સુરતના વરીયાવ ગામની યુવતીને ઈન્સ્ટ્રાગ્રામ (Instagram) નો પ્રેમ પડ્યો ભારે.
ઈન્સ્ટ્રાગ્રામ (Instagram) પર યુવતીને પ્રેમજાળમાં ફસાવી તેની સાથે સગાઈ કરીને વારંવાર શારીરિક સંબંધ બાંધ્યા બાદ લગ્નની ના પાડનાર યુવક સામે યુવતીએ ફરિયાદ નોંધાવી છે.
બે વર્ષ પહેલા સુરતના વરીયાવ ગામમાં રહેતી ૨૧ વર્ષીય યુવતીની ઈકરામ હનીફ ફેન્સી નામના યુવક સાથે ઈન્સ્ટ્રાગ્રામ (Instagram) ઉપર ફેન્ડશીપ થઈ હતી.
જો કે, ઈકરામ હનીફ ફેન્સી નામના યુવક યુવતીના ગામના ઘાંચી ફળિયામાં રહે છે.
તેઓ વારંવાર ઈન્સ્ટ્રાગ્રામ (Instagram) અને મોબાઈલ પર વાતો કરતા અને તે દરમિયાન બંને વચ્ચે પ્રેમસંબંધ થયો હતો.
તો યુવતી જુલાઈ ૨૦૧૮માં રાંદેર વિસ્તામાં રહેતી તેની બહેનના ઘરે ગઈ હતી.
ત્યારે તેને ઈકરામને ફોન કરી મળવા બોલાવ્યો હતો,
યુવતીઍ ઈકરામને તેની સાથે લગ્ન કરવા માટે કહેતા ઈકરામ તેના માતા પિતાને મનાવવા માટે સમય માંગતો હતો.
જો કે, ફેબ્રુઆરી ૨૦૧૯માં ઈકરામે લગ્ન કરવા માટે ના પાડતા યુવતીએ દવા પી લીધી હતી.
તો આ ઘટના બાદ પરિવારને પ્રેમસંબંધની જાણ થતા બંનેના પરિવારજનોએ મળી પ્રેમસંબંધ સ્વીકારી જુન ૨૦૧૯માં સગાઈ કરાવી હતી.
તેમજ ત્યારબાદ પરિવારોની મંજુરીથી આ 2 પ્રેમીપંખીડા અવાર નવાર ફરવા જતા હતા.
ઈકરામ યુવતીને હજીરા રોડની સ્વાગત હોટલમાં લઈ જતો અને કેહતો કે, સગાઈ થઈ ગઈ છે લગ્ન થવાના છે.
આમ સારી-સારી વાતો કરી શરીર સંબંધ બાંધ્યા હતા.
આ રીતે ઈકરામે વારંવાર યુવતીને પોતાની હવસનો શિકાર બનાવી હતી.
તો ઈદના દિવસે પણ તે ઘરે મળવા આવ્યો હતો.
ઈદના બીજા દિવસે ઈકરામે યુવતીનો ફેસબુક આઈડીનો પાસવર્ડ માંગ્યો હતો.
યુવતીઍ આપવાની ના પાડી હતી, જેને લઈને ઈકરામે ફોન કે મેસેજ કરવાનું બંધ કરી દીધુ હતું.
બે મહિના પછી હવે લગ્ન કરવાની ના પાડે છે, અને મળવાની જીદ કરે છે.
તો આ બનાવ અંગે યુવતીએ ગઈકાલે મહિલા હેલ્પલાઈન ૧૮૧માં ફોન કર્યો.
પોલીસ સ્ટેશનમાં ફરિયાદ નોધાવતા પોલીસે ઈકરામ ફેન્સી સામે બળાત્કારનો ગુનો દાખલ કરી તપાસ હાથ ધરી છે.