આ શહેરમાં દશામાની મૂર્તિ વિસર્જન કરવા પર રૂ.5000 નો દંડ

Jul 26, 2020

Dashama

સમગ્ર દેશમાં વૈશ્વિક મહામારી કોરોના વાયરસનાં સંક્રમણના કેસ ચિંતાજનક રીતે વધી રહ્યાં છે.
ત્યારે વડોદરા મ્યુનિસિપલ કમિશનરે મહત્વનો નિર્ણય કર્યો છે.
વડોદરા મ્યુનિસિપલ કમિશનર નલિન ઉપાધ્યાયે નિર્ણય લીધો છે કે, દશામાની (Dashama) મૂર્તિઓનું વિસર્જન તળાવ, નદીમાં કરવામાં આવશે નહીં.
જે કોઇપણ આ જાહેરનામાનો ભંગ કરશે તેમને 5000 રૂપિયાનો દંડ કરવામાં આવશે.

વડોદરા મહાનગરપાલિકા મ્યુનિસિપલ કમિશનર નલિન ઉપાધ્યાયે જણાવાયું છે કે, અત્યારે કોરોનાની મહામારી ચાલી રહી છે.
કોરોના સંક્રમણને અટકાવવા માટે પાલિકા દ્વારા વિવિધ પગલા લેવામાં આવી રહ્યા છે,
તો વડોદરા શહેરમાં ઉજવાઇ રહેલા દશામાં (Dashama) વ્રતના છેલ્લા દિવસે દશામાંની મૂર્તિઓનું વિસર્જન તળાવ, નદી તેમજ નાળામાં કરવા ઉપર પ્રતિબંધ મુક્યો છે.
જે કોઇ આ જાહેરનામાનો ભંગ કરશે તેઓ સામે કાર્યવાહી કરીને 5000 રૂપિયાનો દંડ વસુલવામાં આવશે.
29 તારીખે દશામાની (Dashama) મૂર્તિનું વિસર્જન કરાશે.
તો હવે પ્રતિબંધ મૂકાતા હવે દશામાની (Dashama)મૂર્તિનુ ઘરે જ વિસર્જન કરવુ પડશે.

કોરોના મહમારીને પગલે પાલનપુર નજીક આવેલા સુપ્રસિધ્ધ બાલારામ મહાદેવના સોમવારે દર્શન પર પ્રતિબંધ મૂકાયો છે.
બલરામ મહાદેવ ખાતે લાગતા રવિવાર તથા સોમવારના મેળા બંધ કરાયા છે.
તેમજ તહેવારો દરમ્યાન દશામાંની મૂર્તિ વિસર્જન પર પણ પ્રતિબંધ લગાવાયો છે.
બાલારામ મહાદેવ મંદિર દર્શનાર્થીઓ માટે સંપૂર્ણ બંધ રહેશે.
વધતા જતા કોરોના સંક્રમણને લઈને આ નિર્ણય લેવાયો છે.