Valsad :ભારે વરસાદને લીધે નદીમાં પૂર આવતાં 5 યુવાનો તણાયા

Valsad

Valsad

સમગ્ર રાજ્યમાં વરસાદી માહોલ જોવા મળી રહ્યો છે. વલસાડ (Valsad) ના કપરાડા તાલુકાના પાંચ યુવકો પાર નદીમાં ગાયો ચરાવવા ગયા હતા. તે સમયે નદીમાં પૂર હોવાને કારણે કોઝવે પરથી પસાર થતાં પાંચ યુવકો તણાયા હતા. જેમાંથી 4 યુવકોને જીવની બાજી લગાવી બચાવી લેવામાં આવ્યા હતા. તો એક યુવકની શોધખોળ ચાલુ છે.

Valsad

ગુરુવારે વલસાડ (Valsad) જિલ્લાના કપરાડા તાલુકાના ચીચપાડા ગામના પાંચ યુવકો પાર નદી પાસે ગાયો ચરાવવા ગયા હતા. ત્યાં પાર નદીના કોઝ વે પરથી પસાર થતાં પાંચેય યુવાનો નદીમાં પૂરને કારણે તણાયા હતા. જો કે, સ્થાનિકોએ આ વાતની જાણ થતાં તેઓએ જીવ સટોસટની બાજી લગાવી યુવાનોને બચાવવાના પ્રયાસ કર્યા હતા. તેમજ લાકડી અને દોરડાંની મદદથી યુવકોને બહાર કાઢવાના પ્રયાસ કર્યા હતા.

સ્થાનિકોની મદદથી નદીમાં તણાયેલાં પાંચ યુવકોમાંથી ચારને બચાવી લેવામાં સફળતા મળી હતી. જો કે, એક યુવાનનો હજુ પણ કોઈ અત્તોપત્તો મળ્યો નથી. અને આ યુવાનને શોધવા માટે તપાસ અભિયાન શરૂ કરાયું છે.

 

પોસ્ટ ગમે તો અહીં લાઈક ઉપર ક્લિક કરો.