રાજકોટના બંગડી બજારમાં પતરાના ગોડાઉનમાં લાગઈ હતી આગ. ભાભા કોમ્પલેક્ષના ટેરેસ પર પતરાના ગેરકાયદે સ્ટ્રક્ચર આગમાં થઈ ગયા ખાખ, ગીફ્ટ આર્ટિકલનો માલસામાન પણ બળી ગયો.
રાજકોટના બંગડી બજારમાં આવેલા એક ગિફ્ટ ગોડાઉનમાં ભીષણ આગની ઘટના બની છે. આગ લાગી હોવાની જાણ થતાં ફાયર વિભાગની ટીમ પહોંચી હતી અને આગ પર કાબૂ મેળવવા પ્રયાસો હાથ ધર્યા છે. ગિફ્ટના ગોડાઉનમાં આગ લાગી હોવાની જાણ થતાં ફાયર વિભાગના પાંચ ફાયર ફાયટરો પહોંચ્યા હતા અને આગ પર કાબૂ મેળવવા પ્રયાસો હાથ ધર્યા છે. આગ કયા કારણોસર લાગી એ હાલ જાણી શકાયું નથી. આ ડોમ ગેરકાયદેસર હોવાનું જાણવા મળ્યું છે
બનાવની પ્રાપ્ત પ્રાથમિક વિગત અનુસાર, શહેરના બંગડી બજારમાં ઘી-કાંટા રોડ પર ભાભા બજારમાં શેરી નંબર ત્રણમાં એક કોમ્પ્લેક્સ આવેલું છે. આ કોમ્પ્લેક્સના ત્રીજા માળે આવેલા ગિફ્ટના ગોડાઉનમાં આગનો બનાવ બન્યો હતો. જોત જોતામાં આગે વિકારળ રૂપ ધારણ કરી લીધું હતું. આગની જાણ થતાં થોડો સમય અફરા-તફરીનો માહોલ સર્જાયો હતો. બનાવ અંગે ફાયર વિભાગની ટીમને જાણ કરવામાં આવી હતી.