Chandrayaan 3 : ચંદ્રયાન મિશન 3 live: આજે ભારત ચંદ્ર પર ત્રિરંગો ફરકાવવા જઈ રહ્યું છે. સમગ્ર વિશ્વની નજર ભારતના ચંદ્રયાન-3 મિશન પર છે. ભારત ઈતિહાસ રચવાથી માત્ર થોડા કલાકો દૂર છે. ભારતનું ચંદ્ર મિશન ચંદ્રયાન 3 સાંજે 6.4 કલાકે ચંદ્રના દક્ષિણ ધ્રુવીય ભાગમાં ઉતરશે તેવી અપેક્ષા છે. આ આશા વધી રહી છે કારણ કે ચંદ્ર મિશન પર અપડેટ આપતી વખતે, ISROએ કહ્યું છે કે ચંદ્રયાન 3 મિશન શેડ્યૂલ મુજબ ચાલી રહ્યું છે.
લેન્ડિંગની સાથે જ લેન્ડર વિક્રમ પોતાનું કામ શરૂ કરી દેશે. લેન્ડર વિક્રમનું સોફ્ટ લેન્ડિંગ સફળ રહ્યું તો રેમ્પની મદદથી 6 વ્હીલ વાળું પ્રજ્ઞાન રોવર બહાર આવશે અને ISROથી કમાન્ડ મળતા જ ચંદ્રની સપાટી પર ચાલશે. આ 500 મીટરના વિસ્તારમાં ફરીને પાણી અને ત્યાંના વાતાવરણ અંગે ઈસરોને બતાવશે.
Where to watch Chandrayaan 3 live Telecast?
- ઈસરોની સત્તાવાર વેબસાઈટ – isro.gov.in
- ઈસરોની યૂટ્યૂબ ચેનલ – https://youtube.com/watch?v=DLA_64yz8Ss
- ઈસરોનું ફેસબુક પેજ – facebook.com/ISRO
- DD નેશનલ ટીવી પર પણ તેનું લાઈવ પ્રસારણ જોવા મળશે.
મિશન ચંદ્રયાન 3 એ વિજ્ઞાનના ક્ષેત્રમાં ભારતની વધતી શક્તિનું પ્રદર્શન છે અને આ પ્રદર્શનને સફળ બનાવવા માટે દેશવાસીઓએ મંદિરોથી લઈને દરગાહ સુધી શુભેચ્છા પાઠવી છે. ચંદ્રયાન 3ની આ સફળતા માટે દેશમાં પ્રાર્થના ચાલી રહી છે. ચંદ્રયાન 3 મિશન માટે માત્ર મંદિરોમાં જ નહીં, દરગાહમાં પણ પ્રતિજ્ઞાઓ માંગવામાં આવી રહી છે. એક તસવીરમાં અજમેરની દરગાહ હઝરત ખ્વાજા ગરીબ નવાઝ મુસ્લિમ ધર્મના ગુરુ ચંદ્રયાન 3ના સફળ ઉતરાણ માટે પ્રાર્થના કરતા જોવા મળ્યા હતા.
ભારત દ્વારા ઘણા વર્ષો પહેલાં ચંદ્રની સપાટીનો અભ્યાસ કરવાનું અને તેના ઉપર પોતાનું યાન ઉતારવાનું સપનું જોવામાં આવ્યું હતું. 2008માં ચંદ્રયાન-1 મોકલીને ભારતે પોતાના સપનાની સિદ્ધિ તરફ પહેલું ડગલું માંડયું હતું. તે વખતે ચંદ્રયાન-1 ચંદ્રના પરિભ્રમણ ક્ષેત્રમાં પહોંચ્યું હતું અને તેના દ્વારા ચંદ્રની તસવીરો લેવામાં આવી હતી. તે વખતે પ્રારંભિક માહિતી ભેગી કરીને હવે ચંદ્રની સપાટી ઉપર ઉતરવાનું નવું લક્ષ્ય નક્કી કરવામાં આવ્યું હતું. 11 વર્ષ સુધી આ દિશામાં મહેનત કરીને ઈસરો દ્વારા 22 જુલાઈ 2019ના રોજ ચંદ્રયાન-2ને લોન્ચ કરવામાં આવ્યું હતું. 6 સપ્ટેમ્બર 2019ના રોજ ચંદ્રયાન ચંદ્રની ધરતીથી માત્ર 2 કિ.મી. દૂર હતું અને લેન્ડિંગ પહેલાં ક્રેશ થઈ ગયું હતું. ભારતનું સપનું ત્યારે અધુરું રહી ગયું હતું જેને હવે પૂરું કરવામાં આવી રહ્યું છે. 23 ઓગસ્ટ 2023ના રોજ ચંદ્રયાન-3 ચંદ્રની ધરતી ઉપર સોફ્ટ લેન્ડિંગ કરવાનું છે.