Sunita Yadav સાથેના વિવાદ બાદ પ્રકાશ કાનાણી સહીત 6 સામે ફરિયાદ નોંધાઈ

Jul 12, 2020

સુરતમાં આરોગ્ય મંત્રી કુમાર કાનાણીના પુત્ર પ્રકાશ કાનાણી સામે સુરતમાં ગુનો નોંધાયો છે.
મહિલા કોન્સ્ટેબલ Sunita Yadav સાથે પ્રકાશ કાનાણીને વિવાદ થતા સમગ્ર મામલો સોશિયલ મીડિયા પર ટ્રેન્ડમાં આવ્યો હતો.
ત્યારે પ્રકાશ કાનાણી સામે કરફ્યુ ભંગનો ગુનો દાખલ કરવામાં આવ્યો છે.
ગુરુવારે મોડી રાત્રે આ બનાવ બન્યો હતો.
સમગ્ર બનાવમાં એલઆર કોન્સ્ટેબલ Sunita Yadav (સુનિતા યાદવ) સાથે પ્રકાશ કાનાણીને પોતાના મિત્રોને છોડાવવા મામલે માથાકૂટ થઈ હતી.
ત્યારે પ્રકાશ સહિત મિત્રો સામે પણ ગુનો દાખલ કરાયો છે.

મંત્રી કુમાર કાનાણીના પુત્ર પ્રકાશ કાનાણી અને મહિલા કોન્સ્ટેબલ સુનિતા યાદવ (Sunita Yadav) વચ્ચેનો વિવાદ હવે ચરમ સીમાએ પહોંચ્યો હોય એવું લાગી રહ્યું છે.
કારણે કે સોશિયલ મીડિયા પર મહિલા પોલીસકર્મી સુનિતા યાદવને જબરદસ્ત સપોર્ટ મળી રહ્યો છે
Sunita Yadav એ પોલીસ કોન્સ્ટેબલ તરીકેની નોકરીમાંથી રાજીનામું આપી દીધા બાદ ટ્વિટરમાં સુનિતા યાદવને ફુલ સપોર્ટ મળી રહ્યો હતો.
તો આ સંદર્ભે ટ્વિટર પર #isupportsunitayadav હેશટેગ ટ્રેન્ડિંગ કરી રહ્યું છે.
તો બીજી તરફ, મુખ્યમંત્રી વિજય રૂપાણીએ પણ સમગ્ર મામલાની નોંધ લીધી હતી. જેના પડઘ આખરે આજે પડ્યા હતા.

મળતી માહિતી મુજબ આ મામલે હવે પ્રકાશ કાનાણી સહિત 6 લોકો સામે ફરિયાદ નોંધાવામાં આવી છે.
તેમની સામે સુરતના વરાછામાં ફરફ્યું ભંગ બદલ ગુનો નોંધવામાં આવ્યો છે.
જ્યારે એવી માહિતી પણ મળી રહી છે કે આરોગ્ય મંત્રીના પુત્ર પ્રકાશ સહિત 3ની અટકાયત પણ કરવામાં આવી છે.
ACPએ કહ્યું કે વીડિયોના આધારે તપાસ કરવામાં આવશે.
આપને જણાવી દઈએ કે આરોગ્ય મંત્રીના પુત્ર પ્રકાશ કાનાણી અને મહિલા પોલીસ સાથે રકઝકના વીડિયો વાયરલ થયા હતા.

સુનિતા અને પ્રકાશ ઉપરાંત સુનિતા અને સ્થાનિક પીઆઇ વચ્ચેની વાતચીતનો ઓડિયો પણ ખુબ જ વાયરલ થઇ રહ્યો છે.
હાલ તો સોશિયલ મીડિયા પર માંગ ઉઠી રહી છે કે, સુનિતા યાદવનું રાજીનામું તો ન જ સ્વિકારવામાં આવે પરંતુ કુમાર કાનાણી રાજીનામું આપે.
કાનાણીના પુત્ર પર કડકમાં કડક કાર્યવાહી કરવામાં આવે.