આ MLA ને ભાજપમાં જોડાયા પછી પણ નથી ઉતરતો ‘કોંગ્રેસ પ્રેમ’…

Jul 25, 2020

Brijesh merja

કૉંગ્રેસમાંથી ભાજપમાં જોડાયેલા ધારાસભ્યોનો (MLA) કૉંગ્રેસ પ્રેમ હજુ ઉતર્યો નથી.
આવી જ એક ઘટના મોરબી-માળીયાના ધારાસભ્ય બ્રિજેશ મેરજા (Brijesh merja) સાથે બની છે.
બ્રિજેશ મેરજા (Brijesh merja) એ તાજેતરમા જ રાજ્યમાં યોજાયેલી રાજ્યસભાની ચૂંટણી પહેલાં કૉંગ્રેસને અલવિદા કરી અને ભાજપનો કેસરિયો પહેરી લીધો છે.
જોકે, કૉંગ્રેસમાં કામ કર્યુ અને કાર્યકર હોવાના કારણે તેમનો કૉંગ્રેસ પ્રેમ હજુ ઉતર્યો નથી.
આ દરમિયાન તેમણે મોરબી કૉંગ્રેસ છોડી અને ભાજપમાં જોડાવાના કાર્યક્રમ બાદ યોજાયેલી પ્રેસ કૉન્ફરન્સમાં શબ્દોના ગુંચવાડા (slip of tongue) ઊભા કર્યા હતા.

બ્રિજેશ મેરજા (Brijesh merja) એ ભાંગરો વાટતા સોશિયલ મીડિયા પર રમૂજ થઈ હતી.
તેમણે ભાજપના પ્રદેશ પ્રમુખ સીઆર પાટીલને (CR Patil) કૉંગ્રેસના નવા વરાયેલા પ્રમુખ ગણાવ્યા હતા.
મેરજા કહ્યું હતું કે કૉંગ્રેસના નવા વરાયેલા પ્રમુખ સીઆર પાટીલ (CR Patil) સાહેબની આગેવાનીમાં કૉંગ્રેસના આગેવાનો કમળ ખીલવશે.

તેમણે પ્રેસ કૉન્ફરન્સમાં કહ્યું કે ‘ભાજપના નેજા હેઠળ કૉંગ્રેસના આગેવાનો કમળ ખીલવવામાં મહત્ત્વની ભૂમિકા ભજવશે.’
એટલું જ નહિ પરંતુ મેરજાએ મોરબી જિલ્લા ભાજપ પ્રમુખને ગણાવ્યા જિલ્લા કોંગ્રેસ પ્રમુખ.
આમ કૉંગ્રેસમાંથી ભાજપમાં ગયેલા નેતાઓને કૉંગ્રેસ એવી ગોખાયેલી છે કે બોલવામાં થોડી સમસ્યા સર્જાય છે.

આ અગાઉ કમલમ ખાતે યોજાયેલા કાર્યક્રમમાં કરજણના ધારાસભ્ય અક્ષય પટેલે પણ ભાજપના ગૃહ મંત્રી અમિત શાહને અમિત ચાવડા ગણાવ્યા હતા.
તો ધારીના ધારાસભ્ય જે.વી. કાકડિયાએ પણ કૉંગ્રેસ પ્રમુખનો આભાર માન્યો હતો.
તથા તે સમયે મેરજા પણ ભાજપના તત્કાલિન પ્રમુખ વાઘાણીને કૉંગ્રેસના પ્રમુખ ગણાવી તેનો આભાર માની લીધો હતો.