હેલ્થ ઈન્સ્યોરન્સને લઇ સૌથું મોટા સમાચાર । Health Insurance
Health Insurance : ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા (IRDAI) એ તાજેતરમાં વીમા કંપનીઓને સ્વાસ્થ્ય વીમા સંબંધિત નવી યોજનાને જલ્દી અમલમાં મૂકવાની સલાહ આપી છે. આ હેઠળ, માનસિક સ્વાસ્થ્ય સ્થિતિ, HIV/AIDS અને વિકલાંગોને ટૂંક સમયમાં તેમના માટે ખાસ રચાયેલ વીમા કવચ મળશે.
તમને જણાવી દઈએ કે ભારતમાં આ નિયમ પહેલાથી જ ફરજિયાત છે કે માનસિક અને શારીરિક રોગોની સારવાર સમાન રીતે થવી જોઈએ. મે 2018 માં, મેન્ટલ હેલ્થકેર એક્ટ 2017 અમલમાં આવ્યો, જે પછી ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા (IRDAI) એ વીમા કંપનીઓને જોગવાઈઓનું પાલન કરવાનો નિર્દેશ આપ્યો.
Health Insurance | હેલ્થ ઈન્સ્યોરન્સ
RDAI લાંબા સમયથી માનસિક બીમારીઓ માટે વીમા કવરેજ લાવવાની તૈયારી કરી રહ્યું હતું. આ માટે, લગભગ એક વર્ષ પહેલાં, નિયમનકારે આરોગ્ય વીમા કંપનીઓને નિયમિત સ્વાસ્થ્ય વીમા કવરેજમાં માનસિક બીમારીઓ ઉમેરવા માટે કહ્યું હતું, પરંતુ વીમા કંપનીઓની ધીમી ગતિને કારણે, હવે તે ટૂંક સમયમાં અમલમાં આવશે તેવું કહેવાય છે.
IRDAI એ નવો પરિપત્ર બહાર પાડીને જણાવ્યું છે કે તમામ રજિસ્ટર્ડ જનરલ અને સ્ટેન્ડ અલોન હેલ્થ ઈન્સ્યોરન્સ કંપનીઓએ ફરજિયાતપણે તેમની પ્રોડક્ટ્સ તરત જ લોંચ કરવી અને રજૂ કરવી જોઈએ. આ પ્રકારની નીતિઓ લોકોને ઉપલબ્ધ કરાવવા માટે સંબંધિત અધિનિયમોમાં જોગવાઈઓ પણ સામેલ કરવામાં આવી છે. આ ઉપરાંત, વીમા કંપનીઓને બોર્ડના સૂચનો પર એક પોલિસી તૈયાર કરવાની પણ સૂચના આપવામાં આવી છે જેથી આવા લોકોને તમામ પ્રકારનું કવરેજ આપી શકાય.
IRDAI દ્વારા ફરજિયાત બનાવેલા નિયમ હેઠળ, સ્વાસ્થ્ય વીમા પૉલિસી હવે વિકલાંગ વ્યક્તિઓ (PWD), HIV/AIDS અને માનસિક બીમારીથી પીડિત લોકોને વીમા કવરેજ પ્રદાન કરશે. IRDAIએ આ માટે વિશેષ કવર સાથે વીમા પ્રોડક્ટ લાવવાનું કહ્યું છે. વીમા કંપનીને ધ્યાનમાં રાખીને ઉત્પાદનનો વ્યાપ વધારવાની મંજૂરી આપવામાં આવી છે. જો કે, કોઈ પણ સંજોગોમાં વીમાદાતાઓ ઉત્પાદનના કવરેજને ઘટાડી શકતા નથી. પ્રોડક્ટની પોલિસી ટર્મ એક વર્ષ માટે હશે અને તે નિયત રેગ્યુલેટરી ફ્રેમવર્ક મુજબ હશે.
- Delhi Sakshi Murder Case : આરોપીએ ચાકુથી 34 સેકન્ડમાં 19 ઘા માર્યા, 6 વખત પથ્થર મારીને માથું છૂંદી નાખ્યું
- Gujarat weather update : આ શહેરોમાં આજે વાવાઝોડા સાથે કમોસમી વરસાદની આગાહી
- અમદાવાદમાં વરસાદને કારણે રદ થયો બાબા બાગેશ્વરનો આજનો દિવ્ય દરબાર!
- પાટણ પ્રજાપતિ યુથ ક્લબ દ્વારા સમાજના વિદ્યાર્થીઓ માટે વૈદિક ગણિત સેમીનાર નું આયોજન કરાયું
- પાટણ : સસ્તા અનાજના જથ્થા સાથે છોટા હાથી ઝડપી લેતી સરસ્વતી પોલીસ ટીમ
