Free Silai Machine Yojana 2023 Fact Check : હાલમાં એક વીડિયો મેસેજ વાયરલ થઈ રહ્યો છે. જેમાં એવો દાવો કરવામાં આવ્યો છે કે ભારતની મહિલાઓને આત્મનિર્ભર બનાવવા, તેમને રોજગારની સુવિધા ઉપલબ્ધ કરાવવા માટે કેન્દ્ર સરકાર તમામ મહિલાઓને વિનામૂલ્યે સિલાઈ મશીનનું વિતરણ કરી રહી છે. આમાં વડાપ્રધાન મોદીનો ફોટો અને સિલાઈ મશીનવાળી મહિલાઓના ફોટોનો પણ ઉપયોગ કરવામાં આવ્યો છે, જેથી તે એકદમ વાસ્તવિક લાગે.
PM Free Silai Machine Scheme
ભારતમાં સૌથી વધુ છેતરપિંડી નોકરીના નામે થાય છે. અવારનવાર સરકારી યોજનાના નામે બનાવટી સાઇટો બને છે અને લોકોના પૈસા ખંખેરી નાંખે છે. જેમને નોકરીની જરૂર હોય છે, તેઓ આ પ્રકારની સાઇટ પર વિશ્વાસ કરી લે છે અને પછી તેઓ છેતરપિંડીના શિકાર બની જાય છે. હવે Free Silai Machine Yojana 2023 વાયરલ થઇ રહ્યું છે. જેમાં એવો દાવો કરવામાં આવી રહ્યો છે કે, સરકાર મફતમાં સિલાઇ મશીન યોજના અંતર્ગત લોકોને ફ્રીમાં સિલાઇ મશીન આપી રહી છે. આ યોજનામાં પ્રધાનમંત્રી નરેન્દ્ર મોદીના નામનો ઉપયોગ કરવામાં આવી રહ્યો છે.
PIB Fact ChecK Free Silai Machine
પીઆઈબીએ આ વાયરલ મેસેજની હકીકત તપાસી છે અને તેને નકલી અને છેતરપિંડીનો પ્રયાસ ગણાવ્યો છે. પીઆઈબીએ ટ્વીટ કર્યું છે કે કેન્દ્ર સરકારની આવી કોઈ યોજના નથી અને તે છેતરપિંડીનો પ્રયાસ હોઈ શકે છે. પીઆઈબીએ લોકોને આ અંગે સાવચેત રહેવા અપીલ પણ કરી છે.
दावा: देश की महिलाओं को रोजगार प्रदान करने के लिए केंद्र सरकार द्वारा “प्रधानमंत्री फ्री सिलाई मशीन योजना 2023” के तहत महिलाओं को फ्री में सिलाई मशीन उपलब्ध करवाया जा रहा है#PIBFactCheck
✅ केंद्र सरकार ऐसी कोई योजना नहीं चला रही है
✅ यह ठगी का एक प्रयास है,कृपया सावधान रहें pic.twitter.com/G6LBeDAcu5
— PIB Fact Check (@PIBFactCheck) September 7, 2023
તમને જાણીને આશ્ચર્ય થશે કે આ આખી યોજના બનાવટી છે. સરકાર તરફથી આ પ્રકારની કોઇ યોજના ચલાવવામાં આવી રહી નથી. સરકારના આધિન કામ કરતી સંસ્થા પ્રેસ ઇંફોર્મેશન બ્યૂરો (પીઆઇબી)ની ફેક્ટ ચેક યૂનિટે તેને બનાવટી ગણાવી છે. પીઆઇબી એ એક્સ પર એક પોસ્ટ શેર કરીને કહ્યું છે કે કેન્દ્ર સરકાર આવી કોઇ યોજના નથી ચલાવી રહી. આ છેતરપિંડીનો એક પ્રયાસ છે. કૃપા કરીને સાવધાન રહો.