Telegram દ્વારા ત્રણ આરોપીઓએ કરી 18 લાખની છેતરપિંડી

Aug 9, 2020

લોકોને અત્યારે ઓનલાઈન પર સસ્તી વસ્તુઓ ખરીદવાનો શોખ ઉપડ્યો છે.
તથા આ સસ્તી વસ્તુઓ માટે લોકો આડેધડ લિંક પર ક્લિક કરી દેતાં હોય છે.
આવો જ એક ચોંકાવનારો કિસ્સો અમદાવાદમાંથી સામે આવ્યો છે.
ટેલિગ્રામ (Telegram) પર સસ્તી ઈલેક્ટ્રોનિક વસ્તુઓ વેચવાના નામે 3 યુવકોએ 1100 લોકો સાથે 18 લાખ રૂપિયાની છેતરપિંડી કરી હતી.

અમદાવાદનાં ચાંદલોડિયા વિસ્તારમાં પાન પાર્લર પર બેસતાં 3 શખ્સોએ ઓનલાઈન લોકોને છેતરવાની સ્કિમ બનાવી હતી.
આ આરોપીઓ દ્વારા ટેલિગ્રામ (Telegram) એપ્લિકેશન પર સસ્તાં ભાવે મોબાઈલ, લેપટોપ અને LED ટીવી જેવી ઈલેક્ટ્રોનિક વસ્તુઓ વેચવાની જાહેરાત મૂકવામાં આવતી હતી.
તો આ જાહેરાતની એડ પર ક્લિક કરીને જ્યારે લોકો ઓર્ડર આપતાં ત્યારે આ શખ્સો દ્વારા ક્યુઆર કોડ સ્કેન કરીને પૈસા પોતાના ખાતામાં જમા કરાવી દેતા હતા.
તથા 3 દિવસ પછી તમને વસ્તુની ડિલિવરી મળી જશે તેમ કહેતા હતા.

પરંતુ 3 દિવસ બાદ જ્યારે વસ્તુ ન મળતાં લોકો પોતે છેતરાયા હોવાનો અનુભવ કરતા હતા.
તેમજ જ્યારે જાહેરાતમાં આપવામાં આવેલ નંબર પર કોલ કરતાં ત્યારે તે બંધ આવતો હતો.
પૈસા લઈ આ ઠગબાજ યુવકો ગ્રાહકનાં નંબરને બ્લોક કરી દેતાં હતા.
સોલા પોલીસ સ્ટેશનના પીએસઆઈને આ બાબતે બાતમી મળતાં તેઓએ ત્રણેય યુવકોની ધરપકડ કરી છે.
આરોપીઓમાં અનિષ જોશી (રહે. નવાવાડજ), વિશાલ શર્મા (રહે. ચાંદલોડીયા) અને ધ્રુવ હિંગોલ (રહે. ચાંદલોડીયા) સમાવેશ થાય છે.
આરોપીઓએ Telegram દ્વારા ચાર મહિનામાં 1100 લોકો સાથે 18 લાખની છેતરપિંડી કરી છે.