પાટણ જિલ્લાના સિદ્ધપુર શહેરમાં ભીષણ આગ લાગવાની ઘટના સામે આવી. સિદ્ધપુર શહેરમાં ફકરી માર્કેટ સામે આવેલ મોગલ દાતાર મસ્જિદ પાસેની ગુજરાતી કુમાર પ્રાથમિક શાળા નંબર-5 માં ભીષણ આગ લાગી.
મળતી માહિતી મુજબ સિદ્ધપુર ની એક પ્રાથમિક શાળામાં કચરો સળગાવતી વખતે ભીષણ આગ લાગવાનો બનાવ બન્યો હતો. ત્યારે શાળામાં અભ્યાસ કરતા બાળકોને સુરક્ષિત બહાર કાઢી લેતા સદ્દનસીબે જાનહાની ટળી.
તો સિદ્ધપુર પોલીસ તેમજ ફાયર ફાઈટર દ્વારા બચાવ કામગીરી કરાઈ હતી. ફાયર ફાઈટર દ્વારા ભીષણ આગ પર કાબુ મેળવવામાં આવ્યો. આ ભીષણ આગની લપેટો દૂર સુધી જોવા મળી હતી. ત્યારે આગને લઈ આસપાસના વિસ્તારમાં અફરા તફરીનો માહોલ સર્જાયો હતો.