સિદ્ધપુર તાલુકાના કારણ ગામ નજીક એક ખાનગી ગોડાઉનમાં દુધના પાવડરના જથ્થામાં પેકેજીંગમાં ડેટ બદલીને આ જથ્થો. વિદેશ મોકલવામાં આવી રહ્યો હોવાની બાતમીના આધારે જિલ્લા પોલીસે ગોડાઉનમાં રેડ કરી તપાસ હાથ ધરમાં આવી હતી.
પાટણ જિલ્લાના પોલીસ અધિકારીઓને ખાનગી રાહે બાતમી મળી હતી કે, પાટણ જિલ્લાના સિદ્ધપુર તાલુકાના કારણ ગામ નજીક હાઈવે માર્ગ પર આવેલ એક ખાનગી ગોડાઉનમાં મોટાપાયે એક્સપાયર ડેટ થયેલા અમુલ પાવડરનો કરોડો રૂપિયાનો જથ્થો તારીખ બદલીને બાંગ્લાદેશમાં મોકલવાનો હોવાની હકીકતના આધારે પાટણ જિલ્લાની પોલીસ, ફૂડ એન્ડ ડ્રગ્સ વિભાગના અધિકારી સહિતની ટીમે તાત્કાલિક ઘટના સ્થળે પહોંચી તપાસના ચક્રો ગતિમાન બનાવતા અફરા તફરીનો માહોલ સર્જાયો હતો
બનાવના પગલે કોઇ અનિચ્છનીય ઘટના ન ઘટે તે માટે જિલ્લા પોલીસવડાને જાણ કરાતા જિલ્લા પોલીસ વડા અક્ષયરાજ મકવાણા સહિતના સ્ટાફે પણ ઘટના સ્થળે દોડી જઈ ફૂડ એન્ડ ડ્રગ્સ વિભાગની ટીમ પાસે તપાસ શરૂ કરાવી હતી. તેમજ ફેક્ટરીમાંથી પાવડર ભરવાના કન્ટેનરો તેમ જ ફરજ પરના કર્મીઓને નજર કેદ કરી આગળની કાર્યવાહી હાથ ધરવામાં આવી હતી.
