પાટણ-ડીસા હાઇવે (Patan Deesa Highway) પર અધાર ગામ પાસે આજે વહેલી સવારે ગંભીર અકસ્માત સર્જાયો છે. પાટણ-ડીસા હાઇવે પર બે રીક્ષા સામ સામે અથડાતા અકસ્માત (Accident) થયો હતો. જેમાં બને રીક્ષામાં સવાર લોકો ઇજાગ્રસ્ત બનતા સારવાર માટે ખસેડવામાં આવ્યા હતા. જ્યાં સારવાર દરમિયાન એક મહિલા અને બાળકનું મોત થયું હતું.
નોંધનીય છે કે પાટણ જિલ્લામાં (Patan District) અવાર નવાર અકસ્માતના બનાવો બની રહ્યા છે ત્યારે પાટણ-ડીસા રોડ પર આજે સવારે અઘાર ગામ પાસે આવેલ ગોગ મહારાજના મંદિર નજીક બે રીક્ષા સામસામે ધડાકાભેર અથડાતા અકસ્માત સર્જાયો હતો.
અકસ્માત થતા રીક્ષામાં સવાર લોકો ઘાયલ થતા ઇજાગ્રસ્તોને સારવાર માટે ધારપુર હોસ્પિટલમાં ખસેડવામાં આવ્યા હતા. જ્યાં સારવાર દરમ્યાન મકવાણા દમયતિબેન પ્રકાશભાઇ અને એક બાળકી ભુમિકા બેન પરમારનું મોત થયું હતું. અકસ્માત સમાચાર મળતા લોકોના ટોળા એકત્ર થયા હતા .