ગુજરાતની સુરક્ષિત ગણાતી આ જેલમાં કોન્સ્ટેબલ જ કરતો કેદીઓની આ રીતે મદદ

Jul 25, 2020

jail

ગુજરાતની સૌથી મોટી મધ્યસ્થ જેલ સાબરમતી જેલ (jail) છે.
જો કે, સાબરમતી જેલમાં કોઈ જેલતંત્રની પરવાનગી વગર ન તો અંદર આવી શકે છે ન તો કોઈ બહાર જઈ શકે છે.
તો છેલ્લા એક વરસમાં જેટલી પ્રતિબંધિત ચીજવસ્તુ મળી તેમાં જાણે ખુદ વાડે જ ચીભડા ગળ્યા હોય તેવી પરિસ્થિતિ છે.

ગુજરાતની સૌથી સુરક્ષિત ગણાતી સાબરમતી જેલ (jail) માં હવે મોબાઈલ, ડ્રગ્સ જેવા પ્રતિબંધિત સામાન મળવા હવે સામાન્ય બાબત બની ગઈ છે.
જો કે, વરસોથી આ જ પ્રકારની પ્રવૃત્તિ છતાંય તંત્ર તેને રોકવામાં સદતંર નિષ્ફળ ગયુ છે.

તો દસ દિવસમાં બીજી વખત જેલ (jail) ના સુરક્ષાકર્મી પાસેથી મોબાઈલ ઝડપાયો છે.
ગેરકાયદસર રીતે મોબાઈલ સાથે પ્રવેશ કરતા SRP ગ્રુપના કોન્સ્ટેબલ તેજપાલસિંહ સોલંકી પાસેથી મોબાઈલ અને તમાકુ ઝડપાયો છે.
તેજપાલ પોતાની પીઠ પર સેલોટેપ વડે મોબાઈલ ચોંટાડી જેલ (jail) મા લઈ જઈ રહ્યો હતો તે વખતે ચેકિંગ દરમિયાન આ મોબાઈલ ઝડપાયો છે.
ગોધરા એસઆરપી ગ્રુપના કોન્સ્ટેબલ તેજપાલસિહ સોલંકી સંવેદનશીલ 200 ખોલી પાસે બહાર ફરજ બજાવે છે.
તેની આવી કરતૂત વિરુદ્ધ રાણીપ પોલીસે ગુનો નોંધી તપાસ અમદાવાદ SOG ને સોંપી છે.

એસઆરપી કોન્સ્ટેબલ તેજપાલસિંહે પોતાની પીઠની પાછળ સેલોટેપથી એક એન્ડ્રોંઈડ ફોન ચોટાડી દીધો હતો
તથા તેના ખિસ્સામાંથી 11 બુધાલાલની પડીકી મળી આવી હતી.
તેમજ જેની પ્રાથમિક તપાસમાં આ મોબાઈલનો ઉપયોગ કેદીઓ કરતા હતા.
તથા મોબાઈલનુ રજિસ્ટ્રેશન અન્ય કોઈ વ્યક્તિના નામે થયુ હતુ..
તેથી પોલીસે મોબાઈલ નંબરની કોલડિટેલના આધારે કેટલા આરોપી આ મોબાઈલ વાપરતા હતા તેની તપાસ શરૂ કરી છે.