દાહોદ જીલ્લો જાણે નશાના કારોબારનો હબ બન્યો હોય તેમ, એક પછી એક જગ્યાથી નશાનુ વાવેતર ઝડપાઇ રહ્યુ છે. ત્યારે પોલિસે આજે વધુ, ઝાલોદ તાલુકાના વરોડ ગામના સુરપળી ફળીયામાથી 3 જેટલા ખેતરોમાથી લીલા ગાંજાના છોડ અને સુકો ગાંજો ઝડપી પાડી, સ્થળ ઉપરથી બે આરોપીઓને ઝડપી પડ્યા છે, જયારે એક આરોપી ફરાર છે.
ASP ઝાલોદ વિજયસિંહ ગુર્જર ને બાતમી મળી હતી કે, ઝાલોદ તાલુકાના વરોડ ગામના સુરપળી ફ્ળીયામા રહેતા સુરેશભાઈ વાલાભાઇ નીનામા, અરવિંદભાઇ ઉર્ફે કાળુભાઇ મગનભાઈ મકવાણા, મગનભાઈ વિરાભાઈ ડામોરના ખેતરમા ગાંજાનુ વાવેતર કરેલ છે. જે મળેલ બાતમીના આધારે, ASP ઝાલોદ વિજયસિંહ ગુર્જર, SOG PI એચ પી કરેણ, SOG PSI બી.એ.પરમાર તેમજ લીમડી પોલીસ દ્વારા બાતમીવાળી જગ્યાએ સંયુક્ત રેડ કરતા આ ત્રણેય ઈસમોના ખેતરોમા વાવેતર કરેલ 27 કિલો લીલા ગાંજાના છોડ મળી આવ્યા હતા, જયારે મગનભાઇ ડામોરના ધરમાથી સુકા ગાંજાનો બે કિલો જેટલો પાવડર મળી આવ્યો હતો.
જેથી પોલીસે આ ત્રણેય આરોપીઓ પાસેથી કુલ ₹ 2,92,600/- ની કિંમતનો 29 કિલો જેટલો લીલો તથા સૂકો ગાંજો કબ્જે કરી આ ત્રણેય આરોપીઓ વિરુદ્ધ એનડીપીએસ એકટ મુજબ ગુન્હો નોંધી વધુ તપાસ હાથ ધરી છે.
- સાંતલપુર નજીક સરકારી બસનો ભયંકર અકસ્માત
- પાટણ શહેરના વેરાઇ ચકલા વિસ્તારમાં થયેલ મર્ડરના ગુનાના નાસતા ફરતા આરોપીઓને એલ.સી.બી. પોલીસે ગણતરીના કલાકોમાં ઝડપ્યા
- પાટણ: સંખારી ત્રણ રસ્તા પાસે બસ ચાલકે ટુ-વ્હીલર ને ટક્કર મારતા નિવૃત્ત પોલીસ કર્મીનું મોત
- પાટણ: રાધનપુરના ધારાસભ્ય રઘુભાઈ દેસાઈએ અધૂરા પડેલા બનાસ નદીના પુલની મુલાકાત લીધી
- પાટણ: રાધનપુરના સિનાડ ગામે લાખણેશ્વર મહાદેવના મંદિરમાં થયેલ ચોરીના મુદ્દામાલ સાથે ચાર આરોપીઓને પોલીસે ઝડપ્યા
