પાટણના મીરા પાકૅ સોસાયટીના રહીશોની પ્રાથમિક સુવિધાઓ નહીં સંતોષાતા ચૂંટણી બહિષ્કારનો નિર્ધાર કરાયો.
ભાજપ શાસિત પાટણ નગરપાલિકા નાં સતાધીશો પાટણના નગરજનોને પ્રાથમિક સુવિધા આપવામાં સદંતર નિષ્ફળ રહી છે. ત્યારે પાટણ શહેરના મીરા દરવાજા વિસ્તારમાં આવેલ મીરા પાર્ક સોસાયટીના રહીશોએ સોસાયટીની પ્રાથમિક જરૂરિયાતો પાટણ નગરપાલિકા દ્વારા નહીં સંતોષાતા આગામી વિધાનસભાની ચૂંટણીનો સંપૂર્ણપણે બહિષ્કાર કરતા હોવાના બેનરો સોસાયટીના મુખ્ય પ્રવેશ દ્વાર પાસે લગાવી વિરોધ પ્રદર્શિત કરવામાં આવ્યો હતો.
મીરા પાર્ક સોસાયટીના રહીશોએ વિધાનસભાની ચૂંટણીનો બહિષ્કાર કરતા જણાવ્યું હતું કે ભાજપ શાસિત પાટણ નગરપાલિકા દ્વારા આ વિસ્તારમાં રોડ, રસ્તા, પાણી, ગટર લાઈન, સ્ટ્રીટ લાઈટ, સફાઈ સહિતની પ્રાથમિક સુવિધાઓ ઉપલબ્ધ બનાવવામાં સદંતર નિષ્ફળ રહી છે.
નગરપાલિકાના સત્તાધીશોને તેમજ આ વિસ્તારના કોર્પોરેટરોને અનેક વખત રજૂઆતો કરવા છતાં પણ વિસ્તારના રહીશોની સમસ્યાનો આજ દિન સુધી નિરાકરણ નહીં આવતા સોસાયટીના તમામ રહીશોએ આગામી વિધાનસભાની ચૂંટણીમાં કોઈપણ પક્ષના ઉમેદવારને સોસાયટીમાં પ્રવેશ નહીં કરવા બેનરો લગાવી આગામી વિધાનસભાની ચૂંટણીમાં મતદાનથી અળગા રહેવાનો નિધૉર વ્યક્ત કર્યો હોવાનું જણાવ્યું હતું.
પાટણ શહેરના મીરા દરવાજા વિસ્તારમાં આવેલ મીરા પાર્ક સોસાયટીના રહીશો દ્વારા ચૂંટણી બહિષ્કારના લગાવેલા બેનરોને લઈને વિસ્તારનું રાજકારણ ગરમાયું હોવાનું જાણવા મળ્યું છે.
- Delhi Sakshi Murder Case : આરોપીએ ચાકુથી 34 સેકન્ડમાં 19 ઘા માર્યા, 6 વખત પથ્થર મારીને માથું છૂંદી નાખ્યું
- Gujarat weather update : આ શહેરોમાં આજે વાવાઝોડા સાથે કમોસમી વરસાદની આગાહી
- અમદાવાદમાં વરસાદને કારણે રદ થયો બાબા બાગેશ્વરનો આજનો દિવ્ય દરબાર!
- પાટણ પ્રજાપતિ યુથ ક્લબ દ્વારા સમાજના વિદ્યાર્થીઓ માટે વૈદિક ગણિત સેમીનાર નું આયોજન કરાયું
- પાટણ : સસ્તા અનાજના જથ્થા સાથે છોટા હાથી ઝડપી લેતી સરસ્વતી પોલીસ ટીમ
