પાટણ હાઇવે ચાર રસ્તા થી પાટણ રેલવે નાળા જેવા પાટણના પ્રવેશદ્વાર સમા વિસ્તારમાં મોટો ખાડો પડવાના કારણે હજારો વાહનચાલકો હેરાન પરેશાન થઈ રહ્યા છે
ત્યારે આ પાટણની કુંભકર્ણ નિંદ્રામાં સુતેલી નગરપાલિકા દ્વારા કોઈપણ જાતની છેલ્લા ૧પ દિવસથી કાર્યવાહી કરવામાં આવેલ નથી એક સામાન્ય ખાડો મુખ્ય પ્રવેશદ્વાર પર નહીં પુરવાના કારણે આજે પાટણના પ્રજાજનો વાહનચાલકો તેમજ આજુબાજુ વિસ્તારના વેપારીઓ મુશ્કેલી અનુભવી રહ્યા છે.
ત્યારે આ અંગે નગરસેવક ડો.નરેશ દવેને ટેલીફોનીક પુછતાં તેઓએ જણાવ્યું હતું કે અગાઉ તેઓ બાંધકામ સમિતિના ચેરમેન હતા ત્યારે ચોમાસા દરમ્યાન શહેરના મુખ્યમાર્ગો પર પડેલા ખાડાઓમાં કપચી અને રોડાઓનું કોંકરેટ કરી ખાડાઓ પુરવાની કામગીરી કરતા હોવાથી શહેરીજનોને મુશ્કેલીઓનો સામનો કરવો પડતો ન હતો.
પરંતુ અત્યારે માટી નાંખીને ખાડાઓ પુરવાથી વરસાદ દરમ્યાન માટી ધોવાઈ જવાના કારણે ખાડાઓ યથાવત રહેતાં વાહન ચાલકોને ભારે મુશ્કેલીઓનો સામનો કરવો પડી રહયો છે. જેથી પાલિકાના સત્તાધીશોએ તાત્કાલિક પાટણ શહેરમાં પડેલા મોટા ખાડાઓમાં રોડા અને કપચીથી ખાડા પુરી શહેરીજનોને સુખાકારી માટેના પ્રયત્નો હાથ ધરવા અપીલ કરી હતી.