મહેસાણામાં મસાજ સેન્ટરની આડમાં ચાલતી દેહવિક્રય પ્રવૃતિનો પર્દાફાશ થયો છે. જેમાં પોલીસે બે શખ્સની ધરપકડ કરીને આગળની કાર્યવાહી હાથ ધરી છે. પ્રાપ્ત માહિતી અનુસાર મહેસાણા હાઈવે પર આવેલા સિનેમા આગળના કોમ્પલેક્સમાં ધ તાજ સ્પા એન્ડ બ્યૂટી નામના મસાજ સેન્ટરની આડમાં ગેરકાયદે દેહવિક્રયની પ્રવૃતિનો પર્દાફાશ કરીને એસઓજીએ બે શખ્સોને ઝડપી લીધા છે. ઝડપાયેલા બંને શખ્સો સામે ધી ઈમોરલ ટ્રાફિકિંગ (પ્રિવેન્શન) એક્ટ મુજબ કાર્યવાહી કરવા માટે બી ડિવિઝન પોલીસ સ્ટેશન સોંપવામાં આવ્યા છે.
સ્પાની આડમાં ચાલતું કુટણખાનું ઝડપાયું
મીડિયા રિપોર્ટ મુજબ કોમ્પલેક્સમાં રોયલ એન્ફિલ્ડ બુલેટના શો-રૂમના ઉપરના માળે પટેલ જૈમિનકુમાર પ્રહલાદભાઈ ધ તાજ સ્પા એન્ડ બ્યૂટી નામથી મસાજ સેન્ટર ચલાવે છે અને તેમાં બહારથી છોકરીઓ તેમજ ગ્રાહકો બોલાવીને ગેરકાયદે કુટણખાનું ચલાવતો હોવાની બાતમી મળતા પોલીસે સ્પામાં ડમી ગ્રાહક મોકલી ખરાઈ કરતાં અહીં ગેરકાયદે દેહવિક્રય પ્રવૃતિ ચાલતી હોવાનું જાણવા મળ્યું હતું.
મુંબઈ, દિલ્હી, ગંગટોક અને દહેરાદૂનથી છોકરીઓ બોલાવી દેહવિક્રય
જેથી પોલીસે અગાઉ નક્કી કર્યા મુજબ પોલીસને સિગ્નલ આપી દેતા એસઓજીના સ્ટાફે રેઈડ કરીને ડમી ગ્રાહકને ધંધાદારી યુવતી સાથે ઝડપી લીધો હતો અને યુવતીની પૂછપરછ કરતા તે દિલ્હીની હોવાનું સામે આવ્યું હતું. દિલ્હી, મુંબઈ, ગંગટોક અને દહેરાદૂનથી છોકરીઓ બોલાવી દેહવિક્રય કરાતો હોવાનું પોલીસ તપાસમાં સામે આવ્યું છે.
જૈમિને 70 હજાર રૂપિયાના ભાડે જગ્યા રાખી હતી
ત્યારબાદ પોલીસે સ્પાના બીજા રૂમોની તપાસ કરતા તેમાંથી અન્ય ચાર યુવતીઓ મળી આવી હતી. જેના પગલે પોલીસે સ્પાના સંચાલક જૈમિન પટેલ, સ્પામાં નોકરી કરતો વિશ્વજીત ઠાકોરને ઝડપી લીધા હતા અને તેમની પાસેથી 12,500 રોકડ રકમ પણ કબજે કરીને ગુનો નોંધ્યો હતો. તપાસમાં એવું પણ જાણવા મળ્યું છે કે, કુટણખાનું ચલાવતા જૈમિન પટેલે આ જગ્યા રૂ. 70 હજારના ભાડાથી લઈ રાખી હતી અને તે છેલ્લા એક વર્ષથી અહીં સ્પા ચલાવતો હતો.
- મામેરૂં: ભગવાન શ્રી જગન્નાથજી અને ભાઈ બલભદ્ર નાં સાનિધ્યમાં બહેન સુભદ્રાજીનું ડાયમંડનાં અલંકાર સાથે ભવ્ય મામેરૂં ભરવામાં આવ્યું
- દાહોદ: જિલ્લા પોલીસ દ્વારા રથયાત્રાને લઇ ફુટ પેટ્રોલિંગ હાથ ધરવામાં આવ્યું
- પાટણ: ભારે વાહન પસાર કરવા પાણીનો પ્રવાહ અટકાવ્યો; ખેડૂતો પાણી માટે તરસ્યા
- પાટણ: રાધનપુર પાલિકામાં સ્થાનિકોએ કર્યો હલ્લાબોલ, નગરપાલિકાની કચેરી ખાતે નાખ્યો કચરો
- પાટણમાં ૧૦ સ્વસહાય જૂથોને રૂ. ૧૩ લાખના કેશ ક્રેડીટ લોનના ચેકનું વિતરણ
