ફિલ્મ ‘સરબજીત’ના 36 વર્ષીય અભિનેતા રંજન સહગલનું થયું નિધન

Jul 12, 2020

Ranjan Sehgal

અભિનેતા રણદીપ હુડ્ડા અને એશ્વર્યા રાય બચ્ચનની ફિલ્મ સરબજીતમાં અભિનય કરનાર અભિનેતા રંજન સહગલ (Ranjan Sehgal) નું નિધન થયું છે.
પંજાબી અને હિન્દી ફિલ્મોનો જાણીતો અભિનેતા રંજન સહગલનું માત્ર 36 વર્ષની વયે અવસાન થતાં હાહાકાર મચી ગયો છે.
રંજન સહગલના ઓર્ગન ફેલ થવાને કારણે નિધન થઈ ગયું છે.
‘સરબજીત’ ઉપરાંત ઘણી પંજાબી ફિલ્મો અને ટીવી સિરિયલોમાં કામ કર્યું હતું.
રંજને 2017ની પંજાબી ફિલ્મ માહી એનઆરઆઈ અને 2014માં આવેલી ફિલ્મ યારાં દા કેચઅપમાં પણ કામ કર્યું હતું.
રંજન હિન્દી અને પંજાબી ટીવી ઉદ્યોગના જાણીતા કલાકાર પણ રહ્યાં હતા.

રંજને શનિવારે પોસ્ટ ગ્રેજ્યુએટ ઇન્સ્ટીટ્યૂટ ઓફ મેડિકલ એજ્યુકેશન એન્ડ રિસર્ચ ચંડીગઢમાં અંતિમ શ્વાસ લીધા હતા.
અભિનેતાની થોડા સમયથી સારવાર ચાલી રહી છે.
દિવંગત અભિનેતાએ સાવધાન ઈન્ડિયા અને ક્રાઇમ પેટ્રોલ ટેલીવિઝન શોમાં પણ કામ કર્યું હતું.
તેમાં તેઓ એક પોલીસ અધિકારીની ભૂમિકામાં જોવા મળ્યા હતા.

Ranjan Sehgal ના નજીકના મિત્ર ચરણજીત સિંગ કંબોઝ અને સહ-અભિનેત્રી શીતલ પંડ્યાએ તેમના નિધનની પુષ્ટિ કરી છે.
ક્રાઇમ પેટ્રોલમાં રંજનની સાથે કામ કરનાર શીતલે કહ્યું, અમે એક સાથે ક્રાઇમ પેટ્રોલના બે એપિસોડ પર સાથે કામ કર્યું છે.
મને સ્પષ્ટ રૂપથી યાદ છે અમે શોટ્સ વચ્ચે ચાર્લી ચેપલિનની મહાનતા પર ચર્ચા કરતા હતા.

Ranjan Sehgal મૂળ એક પંજાબી હતો અને ચંદીગઢનો રહેનાર હતો.
તેણે પંજાબ યુનિવર્સિટીમાંથી થિયેટરનો અભ્યાસ કરી માસ્ટર ડિગ્રી મેળવી હતી.
આ પછી તે મુંબઈ ચાલ્યો ગયો અને ત્યાં તેણે ‘રિશ્તે સે બડી પ્રથા’, ‘તુમ દેના સાથ મેરા’, ‘ક્રાઇમ પેટ્રોલ’, ‘સાવધાન ઈન્ડિયા’ જેવી ઘણી પ્રખ્યાત ટીવી સિરિયલોમાં કામ કર્યું.

મળતી માહિતી મુજબ,(Ranjan Sehgal) રંજન લાંબા સમયથી બીમાર હતો.
તેણે 2014માં કોસ્ચ્યુમ ડિઝાઇનર નિવ્યા છાબરા સાથે લગ્ન કર્યા હતા.
Ranjan Sehgal (રંજન સહગલ)ના અવસાનથી તેમના ચાહકો પણ ખૂબ દુ:ખી છે અને સોશિયલ મીડિયા પર શોક સંદેશ આપી રહ્યા છે.