ડીસાના ગુગળ ગામે આધેડની હત્યા : પાંચ સંતાનોએ પિતાની છત્રછાયા ગુમાવી

પોસ્ટ કેવી લાગી?

દિલીપસિંહ રાજપૂત, Banaskantha : ડીસા તાલુકાના ગુગળ ગામે લાકડાની સો મીલ પર મજૂરો વચ્ચે ઝઘડો થતાં એક મજૂરની તીક્ષણ હથિયારના ઘા મારી હત્યા કરી હોવાની ઘટના બની છે. આ અંગે આગથળા પોલીસ મથકે ગુનો નોંધાયો છે, જ્યારે આધેડની હત્યા થતા પાંચ સંતાનોએ પિતાની છત્રછાયા ગુમાવવાનો વારો આવ્યો છે.

આ અંગેની વિગત એવી છે કે મૂળ રાજસ્થાનના ઉદયપુર જિલ્લાના સરકા તાલુકાના કલકાર ગામે રહેતા 48 વર્ષીય રામાભાઇ શંકરલાલ મીણા ડીસા તાલુકાના ગુગળ ગામે આવેલી બજરંગ સો મિલમાં લાકડાની લાટીમાં મજૂરી કામ કરતા હતા. આજે તેઓને અન્ય મજૂર સાથે સામાન્ય બાબતમાં તકરાર થતા એક મજૂરે લોખંડના હથિયારથી 10 જેટલા ઘા મારતા તેઓનું મોત નિપજ્યું હતુ.

એક જ સો મીલમાં સાથે મજૂરી કરતા શખ્સોએ રામાભાઈની હત્યા કેમ કરી છે તે હજુ ચોક્કસ જાણી શકાયું નથી.પરંતુ ઘટનાને પગલે આગથળા પોલીસ તાત્કાલિક બનાવ સ્થળે પહોંચી હતી અને મૃતકની લાશનું પંચનામુ કરી પીએમ અર્થે ડીસા સિવિલમાં લાવવામાં આવી હતી. જ્યારે મૃતકના પરિવારજનો સગા સંબંધીઓ પણ રાજસ્થાનથી ડીસા સરકારી હોસ્પિટલ ખાતે આવી પહોંચ્યા હતા. પોલીસે અત્યારે હત્યારાઓ સામે ગુનો નોંધી આગળની કાર્યવાહી હાથ ધરી છે. જ્યારે મૃતક પાંચ સંતાનોનો પિતા હોવાથી તેમના મોતથી પાંચ સંતાનોએ પિતાની છત્રછાયા ગુમાવવાનો વારો આવ્યો છે.

Leave a Comment

નોરા ફતેહીએ બતાવ્યો બોલ્ડ અંદાજ, Pics થયા વાયરલ Bikini-clad Shama Sikander’s Pictures From Her Dubai Vacation Chandigarh University MMS House of the Dragon’ Episode 5 release date Aisha Sharma Makes Jaws Drop With Super Sexy Pictures