- ઓઢવમાં હીરાબા જ્વેલર્સની દુકાનમાં લૂંટારાઓ ત્રાટકીને ફાયરિંગ કરીને લાખો રૂપિયાની લૂંટ ચલાવીને ફરાર થઇ ગયા હતા.
- ઘટનાની જાણ થતાં જ મોટી સંખ્યામાં પોલીસ કાફલો લઇ ઘટના સ્થળે પહોંચ્યાં હતા . ઓઢવમાં રબારી વસાહત પાસે આવેલ હિરાબા જવેલર્સમાં ગઇકાલે દુકાનદાર સહિત ચાર લોકો હાજર હતા તે સમયે બે લૂંટારાઓ ગ્રાહકનાં બાજુમાં આવીને સોનાની ચેઇન માંગી હતી.
- આ દરમિયાન લૂંટારાઓ ત્યાં આવી પહોંચતા દુકાનદાર પર એક રાઉન્ડ ફાયરિંગ કરી રૂપિયા 3 લાખ 91 હજાર રોકડા સહિત 200 ગ્રામ સોનાની લૂંટ કરી ફરાર થઈ ગયા હતા.
- ફાયરિંગ કર્યા બાદ આરોપીઓએ દુકાનમાં હાજર અર્જુનભાઈને પણ રિવોલ્વર જેવું હથિયાર મારી ઇજા પહોંચાડી હતી.
- દુકાનનું શટર બહારથી બંધ કરી ફરાર થઈ ગયા હતા. બહાર ઉભેલા લોકો પ્રતિકાર કરવા માટે આવે તે પહેલાં લૂંટારાઓએ હવામાં ફાયરિંગ કરીને લોકોને ડરાવ્યાં હતાં.
હિરાબા જ્વેલર્સ
- સમગ્ર ઘટનાની જાણ થતાં જ ડીસીપી સહિતનાં ઉચ્ચ પોલીસ અધિકારીઓ ઘટના સ્થળે આવી પહોંચ્યા હતા.
- આસપાસનાં તેમજ દુકાનનાં સીસીટીવી ફૂટેજ મેળવી વધુ તપાસ શરૂ કરી છે. જ્યારે ઘટનાની જાણ થતાં જ ક્રાઇમ બ્રાન્ચ પણ ઘટના સ્થળે આવી પહોંચ્યું હતું.
- લૂંટારાઓ ગુજરાતી ભાષામાં વાતચીત કરી રહ્યા હોવાથી સ્થાનિક ગેંગ હોય તેવી પોલીસને આશંકા છે.
- તો બીજી તરફ પોલીસે બાઇકનાં રજીસ્ટ્રેશન નંબર મેળવીને લૂંટારાઓ સુધી પહોંચવા માટેનાં તમામ પ્રયત્નો શરૂ કર્યાં છે.
- બે બાઇક પર આવેલા પાંચ લૂંટારાઓએ એટલા ભરચક વિસ્તારમાં લૂંટ ચલાવતા લોકોમાં પણ ભયનો માહોલ સર્જાયો હતો .
તમે આ આર્ટીકલ PTN News ના માધ્યમ થી વાંચી રહ્યા છો. તદ્દન નવી, ઉપયોગી, લાભદાયી અને સચોટ માહિતીવાળા આવા જ આર્ટિકલ વાંચવા માટે અમારા ફેસબુક પેજ PTN Newsને લાઈક કરો, ટેલીગ્રામ ચેનલમાં જોડાવોPTN News