covid 19 ને હરાવવા આ શહેરમાં 3,500 બેડની વ્યવસ્થા કરી :રૂપાણી

ByPTN News

Jul 29, 2020

covid 19

સૌરાષ્ટ્ર સહિત રાજકોટમાં કોરોના વાયરસનાં (covid 19) સંક્રમણના કેસ વધતા જ જાય છે.
ત્યારે આજે મુખ્યમંત્રી વિજય રૂપાણી અને નાયબ મુખ્યમંત્રી નીતિન પટેલ રાજકોટની સમીક્ષા કરવા જિલ્લા કલેક્ટર કચેરી પહોંચ્યા છે.
કલેક્ટર કચેરીમાં કોરોનાની મહામારી અંગે બેઠક યોજવામાં આવી છે.
આ બેઠકમાં કલેક્ટર, કમિશનર, કે.કૈલાશનાથન, અનિલ મુકિમ, જયંતિ રવિ, સાંસદ રમેશ ધડુક સહિત ઉચ્ચ અધિકારીઓ હાજર રહ્યા હતા.
તો આ બેઠકમાં સીએમ વિજય રૂપાણીએ મીડિયા સાથેન વાતચીતમાં મહત્વની વાત જણાવી છે.
તેમણે જણાવ્યું કે, રાજકોટમાં 3500 બેડની કોવિડ બેડની વ્યવસ્થા કરવામાં આવશે.

CM વિજય રૂપાણીએ જણાવ્યું કે,કોવિડ (covid 19) મામલે અન્ય રાજ્યો કરતા ગુજરાતની સ્થિતિ સારી છે.
રાજ્યમાં પહેલા 7 ટકા મૃત્યુદર હતો તો હવે 4 ટકા થયો છે.
ત્યારે રિકવરી રેટ પણ વધીને 74 ટકા થયો છે. જો કે, ગુજરાત દેશમાં કોરોનાની સ્થિતિમાં 12માં નંબરે આવી ગયુ છે.
તો અમદાવાદની ચર્ચા આખા દેશમાં થઇ રહી છે. સુપ્રીમકોર્ટે પણ કોરનાનું ગુજરાત મોડલ વખાણ્યું છે.
સીએમ રૂપાણીએ રાજકોટવાસીઓને વધુમાં જણાવ્યું કે, રાજકોટવાસીઓ ચિંતા ન કરે અહીં કોવિડ (covid 19) નાં દર્દીઓ માટે 3500 બેડની વ્યવસ્થા કરવામાં આવી છે.
સૌરાષ્ટ્રનાં મોટાભાગનાં કોવિડ દર્દીઓ રાજકોટમાં આવે છે.
તો આ સાથે રાજકોટમાં કાલથી ડબલ ટેસ્ટ કરવામાં આવે.
તેથી વધુ લોકો સંક્રમિન ન થાય. નોંધનીય છે કે, અમદાવાદમાં 1500 બેડની હૉસ્પિટલ છે.

તેમજ રાજકોટ શહેરના ત્રણ ધારાસભ્યો મિટિંગમાં હાજર રહ્યા હતા.
ધારાસભ્યો સાથે રાજકોટ શહેરની પરિસ્થિતિ અંગે સમીક્ષા કરવામાં આવી હતી.
ત્રણ ધારાસભ્યોમાં ગોવિંદ પટેલ, લાખા સાગઠિયા અને અરવિંદ રૈયાણીએ બેઠકમાં હાજરી આપી હતી.
આ સાથે CM રૂપાણીના આગમન પહેલા જ આજે રાજકોટમાં covid 19થી 9 લોકોના મોત નિપજ્યા છે.
તો બીજી તરફ જિલ્લા કલેક્ટર કચેરીમાંથી એક શંકાસ્પદ વ્યક્તિની અટકાયત કરવામાં આવી છે.
મોતના આંકડામાં જોવા મળતી વિસંગતતા અંગે મુખ્યમંત્રીએ જવાબ માગ્યો છે.