સામગ્રી:-
- નાયલોન ખમણ ઢોકળા ની રેસીપી બનાવવા માટે
- ૧ ૧/૨ કપ ચણાનો લોટ
- ૧ ૧/૨ ટેબલસ્પૂન રવો
- ૪ ટીસ્પૂન સાકર
- ૧ ટીસ્પૂન આદૂ-લીલા મરચાંની પેસ્ટ
- ૧ ટીસ્પૂન લીંબુનો રસ
- મીઠું , સ્વાદાનુસાર
- ૧ ટીસ્પૂન ખાવાની સોડા
- ૩ ટીસ્પૂન તેલ
- ૧ ટીસ્પૂન રાઇ
- ૧ ટીસ્પૂન તલ
- એક ચપટીભર હીંગ
- ૨ to ૩ કડીપત્તા
- ૧ ટીસ્પૂન સમારેલા લીલા મરચાં
રીત:-
- નાયલોન ખમણ ઢોકળા ની રેસીપી બનાવવા માટે, એક ઊંડા બાઉલમાં લગભગ ૩/૪ કપ પાણી લઇ તેમાં ચણાનો લોટ, રવો, સાકર, આદૂ-લીલા મરચાંની પેસ્ટ, લીંબુનો રસ અને મીઠું મેળવી રવઇ વડે ખીરૂં સુંવાળું બને તે રીતે મિક્સ કરી લો.
- હવે જ્યારે ખીરાને બાફવા માટે મૂકવા માંડો, ત્યારે તેમાં ખાવાની સોડા ઉમેરીને હલ્કે હાથે મિક્સ કરી લો.
- આ ખીરાને તેલ ચોપડેલી ગોળાકાર થાળીમાં રેડી સરખા પ્રમાણમાં પાથરવા થાળીને હળવેથી ફેરવી લો.
- તે પછી થાળીને બાફવાના વાસણમાં મૂકી ૧૦ થી ૧૨ મિનિટ સુધી અથવા ઢોકળા બરોબર બફાઇ જાય ત્યાં સુધી બાફી લીધા પછી તેને બાજુ પર રાખો.
- હવે એક નાના નૉન-સ્ટીક પૅનમાં તેલ ગરમ કરી તેમાં રાઇ મેળવો.
- જ્યારે દાણા તતડવા માંડે, ત્યારે તેમાં તલ, હીંગ, કડીપત્તા અને લીલા મરચાં ઉમેરી મધ્યમ તાપ પર ૩૦ સેકંડ સુધી સાંતળી લો.
- તે પછી તેને તાપ પરથી નીચે ઉતારી તેમાં ૧/૨ કપ પાણી ઉમેરી સારી રીતે મિક્સ કરી લો.
- હવે આ તૈયાર થયેલા વઘારને ઢોકળા પર સરખી રીતે પથરાઇ જાય તેમ રેડી લો.
- ઢોકળાના ટુકડા પાડી કોથમીર વડે સજાવીને લીલી ચટણી સાથે તરત જ પીરસો.
PTN NEWS હવે દેશ વિદેશ ના દરેક સમાચાર નિહાળો ગમે ત્યા ગમે તે સમયે.
Youtube Subscribe Now
Click Here – PTN NEWS
Facebook Like Page
Click Here – PTN NEWS
Website Visit Our Website
Click Here – PTN NEWS