ગુજરાતના આ મંદિરમાં પાસ સિસ્ટમ લાગૂ થશે …

Jul 21, 2020

Pass system

આજથી શ્રાવણ મહિનાનો શુભારંભ કોરોના મહામારી વચ્ચે થયો છે, જેના કારણે શિવાલયો અને મંદિરોમાં ભોલેનાથના સૂરો ગૂંજી રહ્યા છે.
અત્યારે કોરોનાના કારણે અનેક મોટા મંદિરોમાં લોકોને ભીડ ભેગી ન કરવા માટે કહેવામાં આવ્યું છે.
તથા શિવલિંગ પર અભિષેક અને બિલીપત્ર ચઢાવવા પર મનાઈ ફરમાવવામાં આવી છે.
સોમનાથમાં પણ અગાઉથી કોરોના માટેની ગાઈડલાઈન જાહેર કરીને લોકોને ભીડ ન કરવા જણાવાયું હતું.
પરંતુ આજે સોમનાથ દાદાના મંદિરે ભક્તોની મોટી મોટી લાઈનો જોવા મળી હતી.
તેના કારણે અસ્તવ્યસ્તા અને સોશિયલ ડિસ્ટિંસિંગના ઘજાઘરા ઉડતા પોલીસે હળવો લાઠીચાર્જ કર્યો હતો.

આજે શ્રાવણ મહિના પેહલા જ દિવસે સોમનાથ મંદિરમાં લાંબી લાઈનો થતા ધક્કામુક્કીના દ્રશ્યો જોવા મળ્યા હતા.
તેથી પોલીસે ભક્તો પર લાઠીચાર્જ કર્યો હતો.
જો કે, લાઠીચાર્જ થતાં ભક્તોમાં રોષ ફાટી નીકળ્યો હતો.
તથા જેના કારણે પોલીસ અને ભક્તો વચ્ચે થોડી રકઝક થઈ હતી.
મંદિરમાં વ્યવસ્થાના અભાવના કારણે મારામારીના અને ભીડના દ્રશ્યો જોવા મળી રહ્યાં છે.

તો હવે સોમનાથ મંદિરમાં પાસ સિસ્ટમ (Pass system) લાગુ થઈ શકે છે કારણ કે, આજે શ્રાવણના પ્રથમ દિવસે જ ભક્તો-પોલીસ વચ્ચે ઘર્ષણ થયું હતું
આ મારામારીની ઘટના બાદ મંદિરના ટ્રસ્ટીઓ Pass system (પાસ સિસ્ટમ) લાગૂ કરવાનો નિર્ણય લઇ શકે છે.
ત્યાં જ મંદિરના ટ્રસ્ટી સેક્રેટરી પી.રે લહેરીએ જણાવ્યું કે, જો મંદિરમાં ભક્તો અવ્યવસ્થા કરશે તો મંદિર બંધ કરીશું.
જો કે, આ (Pass system) પાસ વ્યવસ્થા લાગુ કરવા અને ક્યારથી તેનો અમલ કરાશે તેની સાંજ સુધીમાં સત્તાવાર માહિતી જાહેર કરાશે.