સમીમાં દવાખાનામાં સારવાર માટે આવતી મહિલા દર્દીઓનો તપાસના બહાને વીડિયો બનાવી તે વાઈરલ કરી દેવાની ધમકી આપી ડોક્ટર પિતા અને મિકેનિક પુત્ર દ્વારા દુષ્કર્મ આચરવામાં આવતું હોવાનો ભાંડો ફૂટતાં રોષે ભરાયેલા ગામલોકોએ હોસ્પિટલમાં હોબાળો મચાવી ડોક્ટર અને પુત્રને ઢોર માર મારી પોલીસના હવાલે કર્યા હતા.
લોકોમાં એટલી હદે આક્રોશ હતો કે ડોક્ટરના પુત્રના માથે મુંડન કરી તેને અર્ધનગ્ન કરી બરાબર ધોલાઇ કરી હતી. આ ઘટનાને પગલે પોલીસે ડોક્ટર અને તેના પુત્ર દ્વારા મોબાઈલમાં ઉતારેલા મહિલાઓના અશ્લીલ વીડિયોવાળા મોબાઇલ જપ્ત કરી બે પીડિતાના નિવેદનો આધારે દુષ્કર્મની ફરિયાદ નોંધી હવસખોર ડૉ. મહેન્દ્ર મોહનલાલ મોદી અને તેના પુત્ર કિશન મહેન્દ્ર મોદીની ધરપકડ કરી છે.
આ તબીબ મહેસાણામાં રહી ત્યાં પણ દવાખાનું ચલાવે છે અને દર શનિ અને રવિવારે સમી આવતો હતો.
સમીની મુખ્ય બજારમાં વાણિયા શેરીમાં દેના બેંકની બાજુમાં છેલ્લા 40 વર્ષથી મહેન્દ્ર મોદી બીએએમએસની ડિગ્રી ધરાવતો હોવા છતાં તમામ પ્રકારની સારવાર કરતો હતો. થોડા સમયથી મહેસાણા ખાતે અન્ય હોસ્પિટલમાં પ્રેક્ટિસ કરતો હોઇ સમી ખાતે અઠવાડિયામાં બે દિવસ આવતો હતો અને સમીનું ક્લિનિક તેના પુત્ર કિશન મોદી ડિગ્રી વગર ડોક્ટર બની દર્દીઓની સારવાર કરતો હતો.
આ વિસ્તારમાં વર્ષો જૂની હોસ્પિટલ હોઇ વિશ્વાસના કારણે મોટી સંખ્યામાં મહિલાઓ પણ સારવાર અર્થે આવતી હતી. પણ પિતા -પુત્ર દ્વારા હવસ સંતોષવા હોસ્પિટલમાં આવતી મહિલા દર્દીઓને ચેકઅપ કરવાના બહાને વીડિયો ઉતારી તેની સાથે શારીરિક સબંધો બાંધતો હતો. આ આ કૃત્યના વીડિયો કોઈએ વાઇરલ કરતાં ગામમાં હોબાળો મચી ગયો હતો. શનિવારે લોકોએ ક્લિનિકમાં હોબાળો મચાવી ડોક્ટર અને પુત્રને માર્યા બાદ પુત્રનું મુંડન કરી પોલીસને હવાલે કર્યા હતા. દરમિયાન ગામલોકોએ સ્વયંભૂ બંધ પાળી આ હેવાનિયતનો વિરોધ દર્શાવ્યો હતો.
તબીબ અને તેના પુત્રની કામલીલાનો ભાંડો અહીં અગાઉ કમ્પાઉન્ડર તરીકે કામ કરતા મુસ્લિમ યુવાને જ ફોડ્યો હોવાનું કહેવાય છે.સ્થાનિક ચર્ચા મુજબ 3 મહિના પહેલાં છુટા થયેલા કમ્પાઉન્ડરે આ દવાખાનામાં લગાવેલા સીસીટીવી કેમેરામાંથી ફૂટેજ તેના મોબાઇલમાં લઇને તે વીડિયો ફરતો કર્યો હતો.
મહિલા દર્દીઓ સાથે કરેલા અશ્લીલ કૃત્યના 3 વીડિયો સમી વિસ્તારના વોટ્સઅપ ગૃપમાં ઘટનાના ત્રણ દિવસ પહેલાં ફરતાં થયાં હતાં. જેમાં બે ડોક્ટર મોદીના એક તેના પુત્રનો હતો.
લોકોએ ક્લિનિકમાં હોબાળો મચાવી ડોક્ટર મહેન્દ્ર મોદી અને પુત્ર કિશનને માર્યા બાદ તેનું મુંડન કરી પોલીસને સોંપ્યા હતા.
તમે આ આર્ટીકલ PTN News ના માધ્યમ થી વાંચી રહ્યા છો. તદ્દન નવી, ઉપયોગી, લાભદાયી અને સચોટ માહિતીવાળા આવા જ આર્ટિકલ વાંચવા માટે અમારા ફેસબુક પેજ PTN Newsને લાઈક કરો.