- ભારતીય આર્મીના જવાનોને વડાપ્રધાન મોદીએ એક ખાસ કામ માટે શાબાશી આપી છે. સાથે જ તેમણે લખ્યું છે કે, મને દેશની આર્મી પર ગર્વ છે. વડાપ્રધાન મોદીએ @ChinarcorpsIAના એક ટ્વિટને રિટ્વિટ કરીને આર્મીની પ્રશંસા કરી છે.
- વડાપ્રધાન મોદીએ પોતાના અધિકૃત ટ્વિટર હેન્ડલ પર @ChinarcorpsIA તરફથી કરવામાં આવેલા એક ટ્વિટને રિટ્વિટ કરતા લખ્યું છે કે,
- “આપણી સેના બહાદુરી અને પ્રોફેશનલિઝમ માટે જાણીતી છે. એટલું જ નહીં દેશની સેના તેના પરોપકારી ભાવ માટે પણ જાણીતી છે.
- જ્યારે જ્યારે દેશના લોકોને મદદની જરૂર પડી છે ત્યારે દેશની આર્મી આગળ આવી છે અને તેનાથી શક્ય તમામ મદદ કરી છે.
- મને દેશની સેના પર ગર્વ છે.
- શમિમા અને તેના બાળકના સારા સ્વાસ્થ્ય માટે હું પ્રાર્થના કરું છું. “
- જમ્મુ-કાશ્મીરમાં આર્મીના જવાનોના એક કાર્યની ખૂબ જ પ્રશંસા કરવામાં આવી રહી છે.
- વડાપ્રધાન મોદીએ પણ આ કાર્યની પ્રશંસા કરી છે.
- હાલ જમ્મુ-કાશ્મીરમાં સતત બરફ વર્ષાને કારણે જનજીવન અસ્તવ્યસ્ત બની ગયું છે.
- ભારે બરફ વર્ષા વચ્ચે શમિમા ખાન નામની એક મહિલાને પ્રસૃતિની પીડા ઉપડી હતી. હાલત એવી ઉભી થઈ કે મહિલાને તાત્કાલિક હોસ્પિટલ પહોંચાડવી પડે તેમ હતી. આ સમચાાર મળ્યા બાદ ભારતીય આર્મીના 100 જવાનોએ મહિલાને હોસ્પિટલ પહોંચાડવાનું બીડું ઝડપી લીધું હતું.
- બરફ વર્ષાને કારણે વાહન ચાલી શકે તેમ ન હતું. આથી ભારતીય આર્મીના 100 જેટલા જવાનો મહિલાને એક સ્ટ્રેચરમાં હોસ્પિટલ લઈ ગયા હતા.
- 30 અન્ય લોકોએ પણ આર્મી જવાનોને સાથ આપ્યો હતો.
- આર્મીના 100 જવાનો અને 30 અન્ય લોકો મહિલાને સ્ટ્રેચરમાં લઈને ચાર કલાક સુધી બરફમાં ચાલ્યા હતા.
- તમામ લોકોએ મહિલાને સુરક્ષિત રીતે હોસ્પિટલ પહોંચાડી હતી.
- હોસ્પિટલ ખાતે ડૉક્ટરોએ મહિલાની ડિલિવરી કરાવી હતી.
- હાલ મહિલા અને બાળક બંનેની તબિયત સારી છે.
તમે આ આર્ટીકલ PTN News ના માધ્યમ થી વાંચી રહ્યા છો. તદ્દન નવી, ઉપયોગી, લાભદાયી અને સચોટ માહિતીવાળા આવા જ આર્ટિકલ વાંચવા માટે અમારા ફેસબુક પેજ PTN Newsને લાઈક કરો, ટેલીગ્રામ ચેનલમાં જોડાવોPTN News