Reliance AGM : મુકેશ અંબાણીએ કરી આ મોટી જાહેરાત…

Reliance AGM

દેશની સૌથી મોટી કંપની Reliance (રિલાયન્સ) ઈન્ડસ્ટ્રીઝના ચેરમેન મુકેશ અંબાણીએ આજે કહ્યુ કે, ગૂગલને જીયો પ્લેટફોર્મ્સમાં સ્ટ્રેટેજિક પાર્ટનર બનાવવામાં આવ્યું છે.
ગૂગલ જીયો પ્લેટફોર્મ્સમાં 33737 કરોડ રૂપિયાનું રોકાણ કરીને 7.7 ટકા ભાગીદારી ખરીદશે.
રિલાયન્સની 43મી Relinance AGM ને ઓનલાઇન સંબોધિત કરતા તેમણે ગૂગલની સાથે સ્ટ્રેટેજિક પાર્ટનરશિપની જાહેરાત કરી હતી.
આ રીતે અત્યાર સુધી 14 કંપનીઓ જીયોમાં રોકાણ કરી ચુકી છે.

માર્કેટ કેપના આધારે દેશની સૌથી મોટી કંપની રિલાયન્સ ઇન્ડસ્ટ્રીઝની 43મી એન્યુઅલ મીટિંગ (AGM) Relinance AGM શરૂ થઈ ચૂકી છે.
આ મીટિંગને સંબોધિત કરતા રિલાયન્સ ઈન્ડસ્ટ્રીઝના ચેરમેન મુકેશ અંબાણીએ મોટી જાહેરાત કરી.
તેમણે કહ્યું કે ગૂગલ કંપનીમાં 33 હજાર 737 કરોડ રૂપિયાનું રોકાણ કરશે.

અંબાણીએ કોરોનાને ઈતિહાસનું સૌથી મોટુ સંકટ જણાવતા આશા વ્યક્ત કરી કે ભારત અને વિશ્વ જલદી તેમાંથી બહાર નિકળવામાં સફળ રહેશે.
તેમણે કહ્યું કે, 50 લાખ યૂઝરોએ જીયોમીટને ડાઉનલોડ કર્યું છે.
તેને જીયોની યુવા ટીમે હાલમાં વિકસિત કર્યું છે. તેમણે કહ્યું કે, જીયોએ ઘરેલૂ ટેકનિકથી 5જી સોલ્યૂશન વિકસિત કર્યું છે અને બીજા દેશોમાં તેની નિકાસ કરી છે.
અંબાણીએ તેને પ્રધાનમંત્રી નરેન્દ્ર મોદીના આત્મનિર્ભર ભારતના વિઝનને સમર્પિત કર્યું છે.
તેમણે કહ્યું કે, જીયો ફાઇબરથી 10 લાખ કરતા વધુ ઘરો જોડાઇ ગયા છે.
તેમણે કહ્યું કે, કંપની માટે નાણા ભેગા કરવાનું લક્ષ્ય હાસિલ થઈ ગયું છે.
કંપનીએ જીયો, રાઇટ્સ ઇશ્યૂ અને બીપીથી 212809 કરોડ રૂપિયા કમાયા છે.

આ સિવાય તેમણે કહ્યું કે અમે ઘરેલું સ્તરે વિકસિત 5જી સોલ્યુશન ટ્રાયલ માટે તૈયાર છીએ.
આ વડાપ્રધાન નરેન્દ્ર મોદીના આત્મનિર્ભર ભારતના અભિયાનને સમર્પિત હશે.
રિલાયન્સની આજની AGM (Reliance AGM) માં નવા ઇનોવેશન જિયો ગ્લાસનું લોન્ચિંગ કરવામાં આવ્યું.
આને ફોન સાથે કનેક્ટક કરી ઇન્ટરનેટથી જોડી શકાય છે. આ એક ચશ્મા છે.
રિલાયન્સના આ પ્રોડક્ટમાં ઓડિયો, 2ડી અને 3ડી વીડિયો ચેટિંગની સુવિધા મળશે.
સાથે જ રિલાયન્સે એવો દાવો પણ કર્યો છે કે જિયો મીટ ભારતની સૌથી સુરક્ષિત વર્ચુઅલ મીટિંગ એપ છે.

આ સિવાય મુકેશ અંબાણીએ કહ્યું કે આપણે ભારતના સૌથી મોટા નિકાસકાર અને ખાનગી ક્ષેત્રના સૌથી મોટા ટેક્સપેયર્સ છીએ.
જીએસટી અને વેટ અને ખાનગી ક્ષેત્રોમાં ઇનકમ ટેક્સના પણ આપણે સૌથી મોટા યોગદાન કરનારા છીએ.
મુકેશ અંબાણીએ કહ્યું કે આપણે આ વખતે વીડિયો કોન્ફ્રેન્સિંગ અને અન્ય ઓડિયો-વિઝ્યુલના માધ્યમથી આ એજીએમ કરી રહ્યા છીએ.
જે કોર્પોરેટ મામલાના મંત્રાલયના સર્કુલરના મુજબ છે.

આ તકે કંપનીએ લર્નિંગ એપ ઇમ્બાઇબ લોન્ચ કરવાની જાહેરાત કરી જે બાયજૂસને મોટી ટક્કર આપશે.
કોરોના દરમિયાન 200થી વધુ શહેરોમાં જીયોમાર્ટ લોન્ચ કરવામાં આવ્યા છે.
કંપનીએ કહ્યું કે, જીયોમાર્ટ કરિયાણાનું વિશ્વાસપાત્ર સોલ્યૂશન બનીને ઉભર્યું છે.
કંપનીએ ઓડિયો-વીડિયો માટે જીયોગ્લાસ લોન્ચ કરવાની પણ જાહેરાત કરી છે.

એજીએમ દરમિયાન બુધવારે કારોબાર દરમિયાન રિલાયન્સ ઈન્ડસ્ટ્રીઝના શેરમાં લગભગ 3 ટકાની તેજી જોવા મળી અને શેર ભાવ 1975 રૂપિયાના સર્વોચ્ચ સ્તરે પહોંચી ગયો.
આ પહેલા મંગળવારે રિલાયન્સ ઇન્ડસ્ટ્રીઝનો શેર દબાણમાં હતો.
માર્કેટ કેપની વાત કરીએ તો 12 લાખ 45 હજાર કરોડ રૂપિયાના સ્તરે છે.
આ પહેલી ભારતીય કંપની છે જે આ સ્તરે પહોંચી છે.

Rupani સરકારે ખેડૂતોને લઈને કર્યો આ મોટો અને મહત્વનો નિર્ણય

દેશની સૌથી મૂલ્યવાન કંપની રિલાયન્સ ઇન્ડસ્ટ્રીઝની પ્રથમ વર્યુઅલ એજીએમ Reliance AGM શરૂ થઈ ગઈ છે.
કોરોના કાળમાં વધુમાં વધુ શેરહોલ્ડર ભાગ લે તે માટે રિલાયન્સે જોરદાર તૈયારીઓ પણ કરી હતી.
સોમવારે રિલાયન્સે એક ખાસ વર્ચુઅલ પ્લેટફોર્મ લોન્ચ કર્યું હતું.

કોરોના સંકટ કાળમાં રિલાયન્સ ઈન્ડસ્ટ્રીઝને એક બાદ એક ઘણી સફળતા મળી છે.
રિલાયન્સ જીયો પ્લેટફોર્મ્સને વૈશ્વિક સ્તર પર 1 લાખ કરોડથી વધુનું રોકાણ મળી ચુક્યુ છે.
મહત્વનું વાત છે કે આ રોકાણમાં ફેસબુક જેવી કંપનીઓ સામેલ છે.
આ રોકાણની મદદથી રિલાયન્સ ઈન્ડસ્ટ્રીઝ દેવા મુક્ત થઈ ગઈ છે.
તમને જણાવી દઈએ કે રિલાયન્સ ઈન્ડસ્ટ્રીઝે દેવા મુકત થવા માટે માર્ચ 2021 સુધીની ડેડલાઇન રાખી હતી.
કહેવાનો અર્થ છે કે કંપની સમયથી આશરે 9 મહિના પહેલા દેવા મુક્ત થઈ ગઈ છે.