BJP ના નવા પ્રદેશ પ્રમુખ તરીકે આ વ્યક્તિની થઈ પસંદગી : ગુજરાત

Jul 20, 2020

BJP

ગુજરાત BJP (ભાજપ) ના નવા પ્રમુખ તરીકે સી.આર.પાટીલની (C R Patil) પસંદગી કરવામા આવી છે.
નવસારીના સાંસદ સી.આર પાટીલ ભાજપના નવા પ્રદેશ પ્રમુખ બન્યા.
આ પહેલા ભાજપના પ્રદેશ પ્રમુખનો કાર્યકાળ ગત ઓગસ્ટમાં જ પુરો થઈ ગયો છે.
જો કે ત્યાર બાદ અનેકવાર સંગઠનમાં ફેરફારોની અટકળો વહેતી થઈ હતી.
પરંતુ પ્રદેશ પ્રમુખ પદે સી.આર.પાટીલની નિયુક્તિ કરવામાં આવતા આ અટકળોનો આજે અંત આવી ગયો છે.

ગુજરાત ભાજપે (BJP) પોતાના નવા પ્રદેશ પ્રમુખની વરણી કરી લીધી છે.
હંમેશા ભાજપ ટીમમાં નવા ચહેરાઓને સ્થાન આપે છે.
તો આ વખતે જીતુ વાઘાણીની (Jitu Vaghani) જગ્યાએ સી.આર પાટીલને પ્રદેશ પ્રમુખ બનાવવામાં આવ્યાં છે.

સી.આર પાટીલે મીડિયા સાથેની વાતચીતમાં જણાવ્યું કે, ભારતીય જનતા પાર્ટી (BJP) એ એક કાર્યકર્તામાથી પ્રમુખ બનવાની તક આપી છે, તે તમામનો આભાર માનું છું.
આ ઉપરાંત તેમણે જણાવ્યું કે, કોરોના એક ચેલેન્જ છે.
કોરોના સામે લડતા પાર્ટીની જવાબદારી પૂરી કરીશુ. ગુજરાતી નૉન ગુજરાતીનો મુદ્દો મને ક્યારેય નડ્યો નથી.
એક સામાન્ય કાર્યકર્તાને આટલી મોટી જવાબદારી સોંપશે તેની મને ખબર નહોતી.

સી.આર.પાટીલે 2009માં નવસારી લોકસભા બેઠક અસ્તિત્વમાં આવ્યા બાદ પહેલીવાર લોકસભા ચૂંટણી લડી હતી.
જેમાં તેમનો વિજય થયો હતો. ત્યાર બાદ 2014માં નવસારી લોકસભાની બેઠક પર ભાજપે ફરીથી સી.આર.પાટીલને ઉમેદવાર બનાવ્યા હતા.
તથા તેમણે કોંગ્રેસનાં ઉમેદવાર મકસુદ મિર્ઝાને 5.58 લાખ મતોની સરસાઈથી પરાજિત કર્યા હતા.
જેમાં સી.આર. પાટીલને કુલ 8,20,831 મત મળ્યા હતા.
જ્યારે મકસુદ મિર્ઝાને ફક્ત 2,62,715 મત મળ્યા હતા.
એટલું જ નહીં, સૌથી વધુ લીડથી જીત મેળવનાર સાંસદમાં સમગ્ર દેશમાં ત્રીજા ક્રમે રહ્યા હતા.

લોકસભા ચૂંટણી 2019માં ભાજપે ગુજરાતની 26માંથી 26 બેઠક પર જીત મેળવી હતી.
જેમા નવસારીના ભાજપના ઉમેદવાર સી.આર. પાટીલને સૌથી વધારે (689668 મત) લીડ મળી હતી.
સી.આર. પાટીલ કોંગ્રેસના ધર્મેશ પટેલ સામે ચૂંટણી લડ્યા હતા.
એમનો ક્રમ સમગ્ર દેશમાં ત્રીજો હતો. પોતાની ઓફિસમાં આઈ.એસ.ઓ. લેનાર એ સમગ્ર દેશના પ્રથમ સાંસદ છે.