ગુજરાત: આ પ્રસિદ્ધ શક્તિપીઠને પ્રથમવાર મળ્યું ISO 9001 સર્ટિફિકેટ

Jul 24, 2020

ISO 9001

ગુજરાતના પવિત્ર યાત્રાધામ અંબાજી ખાતે આદ્યશક્તિપીઠ અંબાજી મંદિરની પ્રથમ ISO 9001 પ્રમાણપત્ર માટે પસંદગી કરાઈ છે.
મંદિર પરિસરના સુઆયોજિત સંચાલન, ગબ્બર પરની સુવિધાઓ, પ્રસાદ-અન્ય ખાદ્યસામગ્રી તેમજ યાત્રા નિવાસ સગવડતાઓના સરળ સંચાલનનો સમાવેશ થાય છે.
તથા આ સાથે અંબાજી વિસ્તારમાં ટ્રસ્ટ દ્વારા હાથ ધરાતી શૈક્ષણિક સંસ્થાઓના સંચાલન અને સેવાકીય પ્રવૃત્તિઓનો સમાવેશ થાય છે.

ઈન્ટરનેશનલ ઓર્ગેનાઈઝેશન ફોર સ્ટાન્ડેડાઈઝેશન ISO એ યુ.કે. બેઝ્ડ સંગઠન છે.
જે તે સંસ્થા સંગઠનોને તેની ગુણવત્તાયુક્ત સેવાઓ, પર્યાવરણ જાળવણીના ઉપાયો, સુરક્ષા સલામતીની બાબતોના મુલ્યાંકનના આધારે ISO સર્ટિફિકેટ માટે પસંદગી કરે છે.
અંબાજી મંદીર ટ્રસ્ટે ISO 9001 – 2015 સર્ટિફિકેશન માટે યાત્રાધામ વિકાસમંત્રી દિલીપકુમાર ઠાકોર, રાજયમંત્રી વિભાવરીબેન દવેના માર્ગદર્શનમાં રજુઆત કરી હતી.

તેની ફલશ્રતિએ ISOના માપદંડો પર અંબાજી મંદીર ટ્રસ્ટને આ સર્ટિ. પ્રાપ્ત થયું છે.
જે ૩ વર્ષ માટે માન્ય રહેશે. દર વર્ષે સર્વેલન્સ ઓડીટ દ્વારા જે તે સુવિધાઓની ગુણવત્તામાં સુધારાની ચકાસણી થતી હોય છે.

અંબાજી માતા દેવસ્થાન ટ્રસ્ટને આ સર્ટિફિકેટ અહીં આવતા યાત્રિકોને પુજા યજ્ઞા, ર્પાિકગ, દાન-ભંડોળ, તત્કાલ તબીબી સેવાઓની ઉપલબ્ધી, પ્રસાદ વ્યવસ્થા વગેરે બાબતોની જાણકારી માટે ડેડીકેટેડ હેલ્થ સેન્ટરની સુવિધા માટે ISO 9001 સર્ટિફિકેટ એનાયત કરવામાં આવ્યું છે.
તથા આ સાથે જ સાયન્ટીફીક એપ્રોચ સાથેના સી.સી.ટી.વી. સર્વેલન્સ તથા સ્ટ્રેટેજીક લોકેશન ઉપર સુરક્ષા તેમજ હાઈજેનીક આરોગ્યપ્રદ ખોરાક ભોજન પ્રસાદ જેવી સગવડતાઓમાં શ્રેષ્ઠતા માટે ISO 9001 સર્ટિફિકેટ એનાયત કરવામાં આવ્યું છે.