પાટણ શહેરમાં વરસાદની સાથે વીજળી પડતાં યુવાનનું થયું કરુણ મોત
પાટણ જિલ્લામાં છેલ્લા બે દિવસથી ભારે બફારા બાદ વાતાવરણમાં પલટો આવ્યો હતો. સોમવારે બપોરે પાટણ શહેર સાહિત સિદ્ધપુર, રાધનપુરમાં આકાશમાં કાળા વાદળો ઘેરાયા હતા અને વરસાદ વરસવાનું શરૂ થયું હતું.
પાટણમાં આજે વાતાવરણમાં અચાનક પલટો આવ્યો હતો. પાટણમાં ગાજ વિજ સાથે વરસાદ વરસતા ઠેર ઠેર પાણી ભરાવાના દ્રસ્યો જોવા મળ્યા હતા. ચોમાસાના આગમનની સાથે જ પાટણમાં નુકસાની થઈ હતી.
પાટણમાં હાંસાપુરથી બોરસણ જવાના માર્ગ પર દિયાના હોમ્સની બાજુમાં આવેલા ખેતરમાં થ્રેસરથી બાજરી સાફ કરી રહેલા પિતા-પૂત્ર વધુ વરસાદ પડતા ખેતરમાં જ આવેલા પોતાના મકાન તરફ જતા હતા તે દરમિયાન અચાનક કડાકા સાથે વીજળી 16 વર્ષીય અમરસંગ વિનુજી ઠાકોર નામના યુવાન પર પડતા તેનું ઘટના સ્થળેજ કરુણ મોત નીપજ્યું હતું.
તો ઘટનાને પગલે આજુબાજુના રહીશો અને તેઓના સગા સબંધીયો સહીત વોર્ડ નંબર-5 ના કોર્પોરેટર અરવિંદભાઈ પટેલ દોડી આવ્યા હતા. આમ પ્રથમ વરસાદનો ખુશનુમા વાતાવરણ ઘટનાને પગલે સગા સબંધીયોના રોકકડાટથી ગમગીનીમાં ફેરવાઈ જવા પામ્યો હતો.
આમ પાટણ શહેરમાં પડેલો પ્રથમ વરસાદ ઘાતક બન્યો હતો.
- પાટણ પ્રજાપતિ યુથ ક્લબ દ્વારા સમાજના વિદ્યાર્થીઓ માટે વૈદિક ગણિત સેમીનાર નું આયોજન કરાયું
- પાટણ : સસ્તા અનાજના જથ્થા સાથે છોટા હાથી ઝડપી લેતી સરસ્વતી પોલીસ ટીમ
- અમદાવાદમાં દુષ્કર્મ પીડિતાનું અપહરણ કરીને ઘાતકી હત્યા : સુરજ ભુવાજી સહિત 8ની ધરપકડ
- પાટણ ના રાધનપુરમાં વ્યાજખોરોના ત્રાસથી એકનો આપઘાત
- પાટણ શહેરમાં સગા માસાએ જ પરિણીતા પર દુષ્કર્મ આચર્યું હોવાની ફરિયાદ
