પત્ની તેના પ્રેમી સાથે ઝડપાઇ, હોટલની નીચે જ પતિએ લાકડીએ ને લાકડીએ ધોઈ નાખ્યો

Vadodara News : વડોદરાના કરજણ નેશનલ હાઇવે પર પત્ની અન્ય યુવક સાથે ઝડપાતાં લાકડી લઈને ફરી વળ્યો પતિ, પત્નીના પ્રેમીને માર ઢોર માર્યો હતો.

વડોદરામાં જાહેર માર્ગ પર પતિ-પત્ની ઔર વોના મામલામાં મારામારીના દ્રશ્યો સર્જાયા હતા. આ સમગ્ર ઘટનાનો કોઈ સ્થાનિક દ્વારા ઉતારવામાં આવેલો વીડિયો સોશિયલ મીડિયા પર વાયરલ થયો છે. વીડિયો વાયરલ થયા બાદ સમગ્ર મામલો પોલીસ સ્ટેશન ખાતે પહોંચ્યો છે. હાલ પોલીસે આ મામલે તપાસ હાથ ધરી છે.

મળતી માહિતી અનુસાર, શહેરના કરજણ નેશનલ હાઈવે પર આવેલી કિષ્ના હોટલ પાસે પત્ની કોઈ અન્ય યુવક સાથે ફરતી હોવાની માહિતી પતિને મળી હતી. જેથી પતિ અને તેના મિત્ર કરજણ નેશનલ હાઈવે પર પહોંચ્યા હતા. જ્યાં તેઓએ પત્નીને યુવક સાથે રંગેહાથે ઝડપી પાડી હતી. જે બાદ પતિ અને તેના મિત્રોએ પત્નીની સાથે રહેલા યુવકના કપડા ફાડીને માર માર્યો હતો. પત્ની અન્ય યુવક સાથે ઝડપાતાં પતિ અને તેના મિત્રોએ લાકડી લઈને યુવકને ઢોર માર માર્યો હતો. સમગ્રની આ ઘટનાનો વીડિયો વાયરલ થયો છે.