Rain alert : આગામી 6 દિવસ આ જિલ્લાઓમાં પડશે ધોધમાર વરસાદ

Jul 21, 2020

Rain alert

હવામાન વિભાગ દ્વારા આગામી 6 દિવસ ગુજરાતમાં ભારે વરસાદની આગાહી (Rain alert) કરવામાં આવી છે.
હવામાન વિભાગે દક્ષિણ ગુજરાત, સૌરાષ્ટ્રમાં ભારે વરસાદની આગાહી કરવામાં આવી છે.
25 જુલાઈએ અમરેલી, ગીર સોમનાથમાં ભારે વરસાદ પડી શકે છે.
તથા વલસાડમાં પણ ભારે વરસાદની આગાહી કરવામાં આવી રહી છે.
તેમજ હવામાન વિભાગ અનુસાર બંગાળની ખાડીમાં સિસ્ટમ સક્રીય થતા વરસાદ ઘટ્યો છે.

આકાશમાં કાળા ડીબાંગ વાદળો છવાઇ જાય છે પરંતુ વરસાદ મન મૂકીને વરસતો નથી.
જોકે રાજ્યમાં અત્યાર સુધીમાં 36 ટકા વરસાદ વરસી ચૂક્યા છે પરંતુ ખેડૂતો હાલમાં પણ વરસાદની રાહ જોઇ રહ્યા છે.
તો હવામાન વિભાગે આગામી 6 દિવસમાંની ભારે વરસાદની આગાહી (Rain alert) કરી છે.
તથા આ દરમિયાન આજે પોરબંદરનો દરિયો તોફાની બન્યો છે.
જો કે, ચોમાસુ સિઝનનો કરંટ આજે પણ દરિયામાં યથાવત છે.
ઉપરાંત દરિયામાંથી 10 મીટર જેટલા ઉંચા મોજા જોવા મળ્યા અને ચોપાટી રોડ પર દરિયાના તોફાની મોજા ઊછડીયા હતા.

હવામાન વિભાગની આગાહી (Rain alert) ના પગલે આજે સવારથી જ રાજ્યમાં વાદળ છાયું વાતાવરણ પ્રસરી ગયુ છે.
જોકે બંગાળની ખાડીમાં સિસ્ટમ સક્રિય થઇ નથી જેના કારણે દક્ષિણ ગુજરાતમાં વરસાદ ઓછો છે પરંતુ આગામી સમયમાં ચોમાસું 100 ટકા રહેવાની શક્યતા છે.

તો આજે બનાસકાંઠાના વાવમાં ધોધમાર વરસાદ વરસ્યો છે.
જો કે, પવન સાથે વરસાદ પડતા બફારાથી લોકોને રાહત મળી છે.
તથા શ્રાવણ માસના પ્રથમ દિવસે વરસાદ વરસતા લોકોમાં ખુશીનો માહોલ જોવા મળ્યો છે.
વાવ તાલુકામાં શ્રાવણ માસના પહેલા દિવસે મેઘરાજાની ધમાકેદાર આગમન થતા ખેડૂતોમાં હર્ષની લાગણી જોવા મળી હતી.