આ કારણોસર 8 દર્દીઓ શ્રેય હોસ્પિટલમાં મોતને ભેટ્યા,ફિંગર-પ્રિન્ટ લોક હોવાથી…

Aug 6, 2020

patients

અમદાવાદમાં શ્રેય હોસ્પિટલમાં લાગેલી ભયાનક આગ મામલે અત્યારે એક પછી એક ખુલાસાઓ થઈ રહ્યા છે.
મોડીરાત્રે હોસ્પિટલના આઈસીયૂ વોર્ડમાં આગ લાગી હતી.
વોર્ડમાં ફિંગરપ્રિન્ટ લોક હોવાથી 8 દર્દીઓ (patients) એ જીવ ગુમાવ્યા હોવાનો ખુલાસો થયો છે.

હોસ્પિટલના ICU વોર્ડમાં સવારે 4 વાગ્યાની આસપાસ ઈન્ટેન્સિવ કેર યુનિટના બેડ નંબર 8 ના મહિલા દર્દીના વાળમાં આગ લાગી હતી.
તેનાથી અચાનક સ્પાર્ક થયો અને દર્દીના એટેન્ડન્ટની પર્સનલ પ્રોટેક્ટિવ ઈક્વિપમેન્ટ કીટમાં આગ લાગી હતી.
બે એટેન્ડન્ટે બુઝાવવા જતા તેની કીટ સળગતા બંને ભાગ્યા હતા.
જોત જોતામાં આગે ICU વોર્ડને લપેટમાં લઈ લીધો અને આ રીતે સમગ્ર અગ્નિકાંડ સર્જાયો હતો.
આ સમયે ICU માં 8 દર્દીઓ (patients) અને તેમની સાથે મેડિકલ સ્ટાફ હતો.
જેમાં તમામ 8 દર્દીના મોત નિપજ્યા છે.

આગની ઘટનામાં ફિંગરપ્રિન્ટ લોક ન ખુલતા દર્દીઓ રૂમની બહાર નીકળી શક્યા નહોતા.
તેમજ પેરામેડિકલ કર્મચારીઓ બચાવવા જતા આગ વધુ વકરી હતી.
આ ઘટનામાં કર્મચારીઓએ પીપીઈ કીટ પહેરી રાખી હતી.
આ કારણે આગે પીપીઈ કીટ પ્લાસ્ટિકની હોવાના કારણે આગે વિકરાળ સ્વરૂપ ધારણ કર્યું હતું.

તો PPE કીટ પહેરેલા કર્મચારીએ એક મિનિટનો પણ વિચાર કર્યા વગર આગ બુઝાવવાનો પ્રયાસ કર્યો હતો.
પરંતુ દુર્ભાગ્ય વશ PPE કીટમાં આગ લાગી હતી.
જેથી તેઓ બચવા માટે તાત્કાલિક ત્યાંથી બહાર દોડી ગયા હતા.
તથા આગ સીધી બેડમાં અને ત્યાં રહેલા ઓક્સિજન સિલિન્ડર સુધી પહોંચી હતી.
તેમજ સિલિન્ડર આગની લપેટમાં આવતા આખા વોર્ડમાં આગ લાગી ગઇ હતી.
તો આ ઘટનાથી દર્દીઓની કરૂણ ચીસોથી વાતાવરણ ગમગીન બની ગયું હતું.