LCB એ રેડ પાડી, ત્યાં પોલીસ કર્મચારીઓ પણ જુગાર રમતા પકડાયા

ByPTN News

Jul 18, 2020

LCB

ગાંધીનગર પેથાપુર પોલીસ સ્ટેશનની હદમાં આવેલા ઉનાવા ગામમાં જુગારધામ પર ગ્રામ્ય લોકલ ક્રાઈમ બ્રાન્ચ (LCB) એ રેડ કરી હતી.
રૂ. 34 હજારના મુદ્દામાલ સાથે 5 આરોપીની ધરપકડ કરવામાં આવી હતી.
જેમાં હાલ બંને પોલીસકર્મી સહિત 3 આરોપીઓ ફરાર થઈ ગયા છે.

ગાંધીનગરમાં LCB (એલસીબી) એ જુગાર ધામ પર રેડ પાડી હતી.
જ કે, ચોંકાવનારી બાબત તો એ છે કે, જુગારમાં પોલીસ કર્મી પણ સામેલ હોવાનુ સામે આવ્યુ છે.
તો પોલીસ કર્મચારીઓ સાથે કોલવડા તાલુકા પંચાયતના પૂર્વ સભ્યના પતિ પણ જુગાર રમતા પકડાયા છે.

જુગારધામ વિશે માહિતી આપતા ગાંધીનગર ડીવાયએસપી એમ.કે રાણાએ જણાવ્યું કે, ગાંધીનગર LCB એ જુગાર ધામ પર રેડ કરી હતી.
તથા પેથાપુર પોલીસ સ્ટેશનની હદમાં લક્ષામણસિહ ડાભીના તબેલા પર રેડ પાડવામાં આવી હતી.
જેમાં 8 આરોપી પકડાયા છે. મુખ્ય આરોપીઓમાં કે સી પટેલ મુબારકપુર અને સોલાના શંભુ રબારી તથા પેથાપુર પોલીસ સ્ટેશનના બે કર્મચારીઓ હતા.
પોલીસ કર્મચારી ઘનશ્યામસિંહ જુગાર રમવા માટે સ્થાન નક્કી કરતા હતા.
અત્યારે બે પોલીસ કર્મચારીઓ અને શંભુ રબારી હાલ વોન્ટેડ છે.
તેમજ ઉનાવા ઉપરાંત અલગ અલગ જગ્યાઓ પર સ્થાન નક્કી આ તમામ લોકો જુગાર રમતા હતા.
જો કે, તેઓને શોધવા માટે હાલ અલગ અલગ ટીમો કામે લાગી છે.
આ ઉપરાંત પોલીસ કર્મચારીઓ વિરુધ્ધ ખાતાકીય તપાસ ચાલુ કરવા આદેશ અપાયા છે.